शहीद स्मृति गोल्डकप आज फाइनल भिडन्त, आयोजक मकवानपुर र आर्मी भिड्दै

७ चैत, हेटौंडा । हेटौँडामा जारी स्थानीय तह शहीद स्मृति गोल्डकप अन्तराष्ट्रिय फुटबल प्रतियोगिताको उपाधिका लागी आज आयोजक मकवानपुर ११ र विभागीय टोली नेपाल आर्मी फुटबल क्लब आमनेसामने हुँदैछन् ।
विभागीय टोली आर्मी पहिलो पटक उपाधि जित्ने दाउमा छ भने साबिक विजेता आयोजक मकवनपुर ११ उपाधि रक्षा गर्ने रणनितिमा हुने छ । फाइनल खेल पूर्व शुक्रबार भएको प्रि–म्याच कन्फ्रेन्समा दुवै क्लबका प्रतिशक्षकहरुले उपाधि जित्ने दावी गरेका छन् । 
आयोजक मकवानपुर ११ ले नवजनजागृति युवा क्लब, सिमरा र लिग च्याम्पियन मछिन्द्रलाई पराजित गर्दै फाइनलसम्मको यात्रा तय गरेको हो भने विभागीय टिम आर्मी फुटबल क्लबले ‘ए’ डिभिजन टोली जावलाखेल र विदेशी क्लब अफ्रिकन रुट्स एसोसिएसन ९अरास० क्यामरुनलाई पाखा लगाएको हो ।
हेटौंडाको वनविज्ञान अध्ययन संस्थान ९फरेष्ट्री० को खेल मैदानमा आज २ बजे सुरु हुने फाइनल खेलको विजेता टिमले नगद रु १० लाख र उपविजेता टिमले नगद ५ लाख पुरस्कार प्राप्त गर्ने छन् ।
यस्तै प्रतियोगिताको सर्वोत्कृष्ट खेलाडीलाई ५ लाख ५० हजार बराबरको बुलेट बाइक प्रदान गरिने छ भने विधागत उत्कृष्ट खेलाडी र प्रशिक्षकलाई जनही नगद २५ हजार पुरस्कार प्रदान गरिने आयोजकले जनाएको छ ।