बागमती प्रदेश प्रहरी कार्यालयको आयोजनामा व्याटमिन्टन प्रतियोगिता हुने

संकेतिक तस्विर

३ बैशाख, हेटौंडा । बागमती प्रदेश प्रहरी कार्यालय हेटौंडाको आयोजनामा  आजदेखि ३ दिनसम्म मकवानपुर जिल्ला विद्यालय स्तरिय व्याडमिन्टन प्रतियोगिता हुने भएको छ । 
समुदाय प्रहरी साझेदारी अन्तर्गतको प्रमुख साझेदार निकाय बिद्यालय समेत भएकाले बिद्यार्थीहरुलाई खेलकुद क्षेत्रमा आकर्षित गर्न बैशाख ३ गते शुक्रबार देखी ५ गतेसम्म प्रतियोगिता गर्न लागिएको बागमती प्रदेश प्रहरी कार्यालय हेटौंडाले जनाएको छ । 
प्रतियोगिताबाट मकवानपुरमा ब्याडमिन्टन खेलको बिकास तथा बिस्तार गर्ने, स्कुलका विद्यार्थीहरुमा ब्याडमिन्टन खेल प्रति रुची जगाउने, राष्ट्रिय तथा अन्तराष्ट्रिय प्रतियोगिताहरुमा प्रतिस्पर्धा गर्ने उत्कृष्ठ खेलाडीहरु उत्पादन गर्ने लक्ष्य लिइएको प्रहरी कार्यलयद्वारा जारी विज्ञप्तिमा उल्लेख गरिएको छ ।
प्रतियोगितामा मकवानपुर जिल्लाका बिभिन्न निजी तथा सामुदायीक बिद्यालयमा कक्षा १ देखी कक्षा १० सम्म अध्ययनरत विद्यार्थीहरुलाई १२ बर्ष सम्म महिला र पुरुष सिंगल तथा १२ बर्षभन्दा माथी महिला र पुरुष समूहमा सिंगल र पुरुषमा डबल्स गरी प्रतिस्पर्धा गराईने भएको छ ।
जिल्ला ब्याटमिन्टन संघ मकवानपुरको प्राविधिक सहयोगमा हुने प्रतियोगितामा १२ बर्ष सम्मको प्रतिस्पर्धामा प्रथम, द्वितिय र तृतिय हुनेले क्रमश ७ हजार, ५ हजार र ३ हजार पुरस्कार पाउने छन् भने १२ बर्ष मार्थीको प्रतिस्पर्धामा प्रथम हुनेले १० हजार, द्वितिय हुनेले ७ हजार र तृतिय हुनेले ५ हजार रुपैयाँ पुरस्कार पाउँने बागमती प्रदेश प्रहरी कार्यालयका प्रवक्ता एवम् प्रहरी बरिष्ठ उपरिक्षक मीरा चौधरीले जानकारी दिईन् ।