न्यायिक जटिलता हटाउँदै सहज पहुँच बनाउन आग्रह

२६ साउन, हेटौँडा । न्याय क्षेत्रमा देखिएका समस्या समाधान गर्दै न्यायिक क्षेत्रमा सबैको पहुँच सहज बनाउनुपर्ने विहिबार हेटौँडामा आयोजित कार्यक्रमका सहभागीहरुले बताएका छन् ।

उच्च अदालत पाटन, हेटौंडा इजलासले गरेको न्यायिक कार्यमा सरोकारवाला तथा सञ्चारकर्मीको भूमिका विषयक अन्तरक्रियामा सहभागीहरुले सर्वसाधारणको सहज पहुँच अझै पनि न्यायिक क्षेत्रमा जटिलता हटाउँदै पहुँच सहज बनाउनुपर्नेमा जोड दिएका हुन् । यसका लागि अदालती प्रक्रियालाई द्रुत र सरल बनाउनुपर्ने उनीहरुको भनाई थियो । 

कार्यक्रममा नेपाल पत्रकार महासंघका पूर्व केन्द्रीय सदस्य प्रताप विष्ट, जिल्ला बार एशोसियसनका अध्यक्ष अजमिर केसी, उच्च अदालत हेटौँडा बारका अध्यक्ष पुष्कबहादुर थापा क्षेत्री, अधिवक्ता कृष्णप्रसाद अर्याल लगायतले यसलाई सबैको पहुँचमा पु¥याउन ठोस काम हुनुपर्नेमा जोड दिनुभयो । हेटौँडा इजलासका मूख्य न्यायाधिश सुष्मालता माथेमाको अध्यक्षतामा भएको कार्यक्रममा न्यायाधिश विनोद शर्माले सहभागीको जिज्ञासाको जवाफ दिएका थिए ।

कार्यक्रममा हेटौँडा उच्च अदालतका न्यायाधिश, जिल्ला अदालतका न्यायाधिश, मकवानपुरका प्रमुख जिल्ला अधिकारी, सरकारी कार्यालयका प्रमुख, कानून सम्बन्धी प्रतिनिधि र संचारकर्मीहरुको सहभागिता रहेको थियो ।