थ्री स्टारलाई स्तब्ध पार्दै नवप्रवेशी सातदोबाटो शीर्ष स्थानमा

१० मंसिर, हेटौंडा । सहिद स्मारक ’ए’ डिभिजन लिग फुटबलमा तीन पटकको च्याम्पियन थ्री स्टार क्लब नवप्रवेशी क्लबसँग स्तब्ध भएको छ ।
शुक्रबारबाट सुरु भएको लिगको दोस्रो चरणको खेलमा थ्री स्टार नवप्रवेशी सातदोबाटो युथ क्लबसँग स्तब्ध भएको हो । लिगको शिर्ष स्थानमा रहेको थ्री स्टार सातदोबाटोसँग १–० गोल अन्तरले पराजित भयो ।
नवप्रवेशी क्लब सातदोबाटो युथ क्लबले सहिद स्मारक ’ए’ डिभिजन लिग फुटबलमा पहिलो जित निकाल्ने क्रममा थ्री स्टारलाई हराएको हो । त्रिपुरेश्वरस्थित दशरथ रंगशालामा शुक्रबार तीन पटकको च्याम्पियन थ्री स्टार क्लबलाई १–० गोल अन्तरले पराजित गर्दै सातदोबाटोले पहिलो जित निकालेको हो । 
ललितपुर डर्बीमा सातदोबाटोलाई जित दिलाउन सुदिप गुरुङले निर्णायक गोल गरे । सुदिपले खेलको २९ औं मिनेटमा निर्णायक गोल गरेका हुन् । मार्टिन्स अजयीले उपलब्ध गराएको पासमा अनमार्क रहेका सुदिपले डिबक्सको ठिक बाहिरबाट सुन्दर गोल गरे थिए । 
जितसँगै सातदोबाटोले २ खेलमा ४ अंक जोडेको छ । सातदोबाटो लिगको शीर्ष स्थानमा समेत उक्लिएको छ । पहिलो खेलमा सातदोबाटोले फ्रेन्ड्स क्लबसँग गोलरहित बराबरी खेलेको थियो । 
थ्री स्टारको यो पहिलो हार हो । थ्री स्टार ३ अंक जोडेर दोस्रो स्थानमा रहेको छ । पहिलो खेलमा थ्री स्टारले च्यासल युथ क्लबलाई ३–० ले हराएको थियो ।