सातौं भेट्रान्स कपको उपाधि एविसी पोखराले जित्यो

३ पुस, हेटौंडा । हेटौंडामा सम्पन्न सातौं भेट्रान्स कप प्रतियोगिताको उपाधि एविसी भेट्रान्स पोखराले जितेको छ ।
हेटौँडा ५ क्याम्पा चौरमा शनिवार सम्पन्न भएको फाइनल खेलमा नागस्वती भेट्रान्स हेटौंडालाई २–१ गोल अन्तरले पराजित गर्दै पोखराले उपाधि जितेको हो ।
पोखराको जितका लागी खेलको पहिलो हाफको ७ औ मिनेटमा हरि खड्का र दोस्रो हामफमा नरेन्द्रजंग गुरुङले एक एक गोल गरे ।
यस्तै खेलको १७ औं मिनेटमा नागस्वती भेट्रान्सका लागी नरेन लिम्बुले एक गोल फर्काए । फाइनल खेलको म्यान अफ द म्याच पोखराका नरेन्द्रजंग गुरुङ घोषित भए ।
उपाधिसंगै पोखराले नगद १ लाख ११ हजार १ सय ११ रुपैयाँ प्रमाणपत्र र मेडल प्राप्त प्राप्त गरेको छ भने उपविजेता बनेको नागस्वती भेट्रान्सले नगद ५५ हजार ५ सय ५५ रुपैया, प्रमाणपत्र र मेडलमा चित्त बुझायो ।
खेलको उत्कृष्ट गोल किपर पोखराका सुर्य शर्मा, प्रशिक्षक पोखराकै सुरज गुरुङ, मिड फिल्डर पोखराकै महेन्द्र गुरुङ, सर्वोत्कृष्ट खेलाडी पोखराकै विश्वराज श्रेष्ठ घोषित हुँदा उत्कृष्ट फरवार्ड नागस्वतीका निमा लामा, डिफेन्डर नागस्वतीका मिलन राई घोषित भए ।
विजेता र उपविजेता टोलीलाई हेटौंडा उपमहानगरपालिकाका मेयर हरिबहादुर महत र हेटौंडा भेट्रान्स क्लबका अध्यक्ष दीपक बज्रचार्यले पुरस्कार प्रदान गरेका थिए ।