रानी वनद्वारा मकवानपुरगढी-३ मा गोलघर निर्माण

१०फागुन,हेटौंडा। सामाजिक काममा समेत सक्रिय रहेको हेटौंडा ६ चौघडामा रहेको रानी सामूदायिक वन उपभोक्ता समूहले मकवानपुरगढी ३ मक्रान्चुलीमा गोलघर निर्माण गरेको छ ।

वन समूहले मकवानपुरगढी वडा नम्बर ३ को  कार्यालय अगाडी निर्माण सम्पन्न गरेको गोलघरको   सोमबार उदघाटन गरिएको छ। मकवानपुरगढी वडा नम्बर ३ का वडा अध्यक्ष भागवत घिमिरेले उक्त गोलघरको उदघाटन गरेका थिए । 

वन समूहका अध्यक्ष बिष्णुप्रसाद न्यौपानेको अध्यक्षतामा भएको गोल घर उदघाटन कार्यक्रममा वडा नम्बर ४ का वडा अध्यक्ष रामप्रसाद तिमल्सिना,वन समूहका निवर्तमान अध्यक्ष कृष्ण बहादुर विडारी, चुच्चेखोला सामूदायिक वन समूहका अध्यक्ष अर्जुन प्रसाद दहाल, रानी वनका उपाध्यक्ष केशव घिताल,गोलघर निर्माण उपसमिति संयोजक शत्रुधन दुलाल लगायतको उपस्थिती रहको थियो। एक लाख ४० हजार लागतमा निर्माण गरिएको गोलघर उदघाटन पश्चात  गाउँपालिका तथा वडा कार्यालय आउने सेवाग्राहीलाई सहजन हुने वन समूहका कार्यालय सचिव भीमसेन पौडेलले बताएका छन । वन समूहले यस अघि हेटौंडा ६ चौघडा चोक,शान्तिटोलमा रहेको पिस पार्क र मकवानपुरगढी ३ फुटसलमा गोलघर निर्माण गरिसकेको छ।