प्रदेश खेलकुद प्रतियोगिताका लागी आजबाट मकवानपुुरको छनौट हुुँदै

१४ फागुन, हेटौंडा । प्रथम प्रदेश खेलकुद अन्तर्गत मकवानपुर जिल्ला छनौट आज शनिवारबाट सुरु हुँदै छ । बागमती प्रदेश खेलकुद विकास परिषदले फागुन २८ गते देखि हेटौडा तथा चितवनमा आयोजना गर्ने प्रतियोगिताका लागि जिल्ला छनौट सुरु हुने भएको हो । 
शनिवारबाट विभिन्न आठ विधाका छनौटहरु फागुन १९ गते सम्म हुने खेलकुद विकास समितिका कार्यालय प्रमुख राजन दाहाल खुशराजले जानकारी दिएका छन् । शनिवार एथलेटिक्स,कराते,तेक्वान्दोका छनौट हुने छन भने क्रिकेट शनिवार देखि सोमबार सम्म सन्चालन हुने छ । 
यस्तै १५ गते बक्सिङ,१६ गते भलिवल र व्याडन्टिन र १७ गते देखि १९ गते सम्म फुटबलका छनौट हुने दाहालले जानकारी दिएका छन् । पुरुष फुटबलमा गत मंसिरमा भएको अन्तरपालिका फुटबलमा सहभागि भएका खेलाडीहरु बाटै छनौट हुने छन् । छनौटका लागि खेलाडीरुलाई फारम भराउनका लागि पालिकाहरुमा अनुरोध गरिएको थियो ।
बागमती प्रदेश खेलकुद विकास परिषदले यही फागुन २८ गते देखि चैत्र ५ गते सम्म प्रथम प्रदेश खेलकुद आयोजना गर्दै छ । विगत दुई बर्ष देखि गर्न नसकेको खेलकुद यस वर्ष छोटो समयको तयारीमा हुन लागेको हो । 
प्रतियोगितामा प्रदेशका १३ वटै जिल्लाबाट ३ हजार भन्दा बढी खेलाढी सहभागि हुने छ । प्रतियोगिताको उद्घाटन हेटौडामा र समापन चितवनमा गर्ने प्रदेश खेलकुद विकास परिषदको तयारी रहेको छ ।