आइपिएल: लखनउद्वारा गुजरातमाथि ३३ रनको जित

२६ चैत, काठमाडौं । इन्डियन प्रिमियर लिग (आईपिएल) अन्तर्गत आइतबार राति भएको खेलमा लखनउ सुपर जाइन्टसले गुजरात टाइटनमाथि ३३ रनको जित निकालेको छ।
टस जितेर शुरुमा ब्याटिङ गरेको लखनउले पूरै २० ओभर खेल्दै ५ विकेटको क्षतिमा १६३ रन बनाएको थियो । लखनउले दिएको १६४ रनको लक्ष्य पछ्याएको गुजरात १८ दशमलव ५ बलमा १३० रनमै समेटिएको हो ।
शुरूमा ब्याटिङ गरेको लखनउका लागि मार्कस स्टोनिसले ४३ बल खेल्दै ५८ रन बनाएका हुन् । कप्तान केएल राहुलले ३३, निकोलास पुरणले नटआउट ३२ रन जोड्दा आयुष बाडोनीले २० रन जोडे । अन्य ब्याट्सम्यानले भने दोहोरो अंक जोड्न सकेनन् ।
गुजरातका लागि उमेश यादव र दर्शन नलकण्डेले समान २/२ विकेट हात पार्दा रासिद खानले १ विकेट लिए ।
१६४ रनको लक्ष्य पछ्याएको गुजरातका लागि साई सुदर्शनले ३१, राहुल टेवाटियाले ३०, कप्तान सुभमन गिलले १९, विजय शंकर १७ र दर्शन नलकन्देले १२ रन जोड्नु बाहेक अन्य ब्याट्सम्यानले दोहोरो अंक बनाउन सकेनन् । गुजरात ७ बल खेल्न बाँकी हुँदा सबै विकेट गुमाएर १३० रनमा समेटिएको थियो ।
लखनउका लागि एस ठाकुरले ५ विकेट लिए भने कुनाल पाण्डेयले ३ विकेट हात पारे । नवीन उल हक र रवि बिश्नोईले १/१ विकेट लिए।
यो खेलसँगै लखनउ चार खेलमा तीन जित निकाल्दै तालिकाको तेस्रो स्थानमा छ । गुजरात भने पाँच खेलमा दुई जित निकाल्दै ४ अंकका साथ सातौं स्थानामा छ ।
आईपिएल अन्तर्गत सोमबार चेन्नई सुपर किंग्स र कोलकत्ता किंग्स राइजर्सको प्रतिस्पर्धा हुनेछ। कोलकत्ता दोस्रो र चेन्नई चौथो स्थानमा छन् ।