विश्वकप क्रिकेटः न्यूजिल्याण्ड शिर्षस्थानमा उक्लियो 

५ असार, हेटौँडा । इंग्ल्याण्डमा जारी १२ औँ आईसीसी एकदिवसिय विश्वकप क्रिकेटमा न्यूजिल्याण्डले अपराजित यात्रा कायम गरेको छ । बुधबाररातिको खेलमा दक्षिण अफ्रिकालाई हराउँदै न्यूजिल्याण्डले अपराजित यात्रा कायम राखेको हो । 
बुधबारको खेलमा न्युजिल्याण्डल दक्षिण अफ्रिकालाई ४ विकेटले हरायो ।
उसले आफनो पाचौँ खेलमा चौथो जित निकालेको हो । यसअघि भारतसँगको खेल भने बर्षाका कारण हुन नसकेपाछि दुबैले अंक बाडेका थिए । जितसँगै न्यूजिल्याण्ड प्रतियोगिताको शीर्ष स्थानमा उक्लिएको छ । 
पानी परेपछि १ ओभर छोट्याएर ४९ ओभरमा भएको खेलमा टस हारेर पहिला ब्याटिङ गरेका अफ्रिकाले ६ विकेट गुमाएर २४१ रन बनाएको हो ।
अफ्रिकाका लागि रसे भान डेर डुसेनले सर्वाधिक नट आउट ६७ रन बनाउँदा हासिम अमलाले ५० रन जोडे । एडिन मक्रमले ३८ रन बनाउँदा डेभिड मिलरले ३६ रनको योगदान गरे । 
न्यूजिल्याण्डका लागी बलिङ तर्फ लाचलन फर्गुशनले ३ विकेट लिए ।
२४२ रनको लक्ष्य लिएर जवाफी ब्याटिङमा उत्रिएको न्यूजिल्याण्डले ४८ ओभर तीन बलमा ६ विकेट गुमाउँदै लक्ष्य पूरा भेट्टायो । 
न्यूजिल्याण्डको जितका लागी कप्तान केन विलियम्सनले शतक प्रहार गरे । उनले अविजित एक सय तीन रन बनाए । यस्तै न्यूजिल्याण्डका लागी ग्राण्डहोमले ६०, मार्टिन गुप्टिलले ३५, निसामले २३ रन बनाए पनि अन्य ब्याट्सम्यानले राम्रो प्रदर्शन गर्न सकेनन् ।
बुधबारको जितसँगै न्यूजिल्याण्ड शिर्षस्थानमा उक्लिएको छ । (एजेन्सी)