घुस लिएको फोटो खिच्दा पत्रकारमाथी दुरब्यवहार

१९ मंसिर, जनकपुर । नेपाल भारत सीमामा पर्ने जनकपुरधामस्थित जटही छोटी भन्सारका कर्मचारीले पत्रकारलाई कार्यालयमा थुनेर दुरब्यवहार गरेका छन् ।
जटही भन्सारका कार्यालय सहयोगी राम बहादुर कापरले सेवाग्राहीसगँ घुस लिदै गरेको फोटो खिच्दा नेपाल समाचारपत्रका सिरहा संवाददाता शुभेन्दर दासलाई त्यहाँ कार्यरत कर्मचारीहरुले दुरब्यवहार समाचार नेपाल समाचारपत्रमा छ ।
कार्यालय सहयोगीहरुले जटही छोटि भन्सारमा खुल्लामखुल्ला घुस लिने गरेको जनगुनासो बढेपछि दास स्थलगत रिपोर्टिङका लागि भन्सार कार्यालय पुगेका थिए । उक्त भन्सार कार्यालयमा कार्यारत सहयोगीहरु कापर, वैजनाथ लाल कर्ण, निर बहादुर कटुवाल र विजय मण्डलले सेवाग्राहीसगँ अनाधिकृत रुपमा उठाएको पैसा प्रत्येक दिन बेलुकी सबै कर्मचारीलाई दामासाही रुपमा बाँड्ने गरेको बताएका छन् ।
कार्यालय सहयोगी हरुका अनुसार जटही छोटी भन्सारमा नायव सुब्बा श्याम मण्डल प्रमुख छन् । त्यस्तै नायव सुब्बा नविन कुमार पाण्डे उक्त छोटी भन्सारका ईञ्चार्जका रुपमा कार्यरत छन् । त्यस्तै अर्का नायव सुब्बा अहमद रजा अन्सारी पनि यहि छोटी भन्सारमा कार्यारत छन् भने राज किशोर साह कम्प्युटर अपरेटरका रुपम कार्यरत छन् ।
नेपाल पत्रकार महासंघ काठमाडौं र सिरहा शाखाले छुट्टाछुट्टै विज्ञप्ति जारी गर्दै जटही छोटी भन्सारमा पत्रकारमाथी कर्मचारीले गरेको दुब्र्यवहारको भत्सर्ना गरेको छ । विज्ञप्तिमा पत्रकारमाथी दुब्र्यवहार गर्ने जटही छोटि भन्सारका सबै कर्मचारीलाई तत्काल कार्वाही गर्न सरकार सगँ माग गरेको छ ।
यता अख्तियार दुरुपयोग अनुसन्धान आयोग बर्दिवासका कार्यालय प्रमुख नारायण सापकोटाले जटही छोटी भन्सारमा खुल्लाम खुल्ला सेवाग्राहीहरु सँग अनाधिकृत रकम असुल गर्ने गरेको दर्जन भन्दा बढि उजुरी परेको बताउँदै उक्त भन्सार कार्यालयमा अख्तियारले सुक्ष्म निगरानी बढाएको जानकारी दिए ।