पुरुष क्रिकेटमा नेपालको फाइनल प्रवेश सम्भावना कायमै

२० मंसिर, हेटौंडा । १३औं दक्षिण एसियाली खेलकुद (साग)अन्तर्गत् पुरुष क्रिकेटमा नेपालले लगातार दोस्रो जित निकालेको छ ।
शुक्रबार माल्दिम्स विरुद्ध जित निकाल्दै नेपालले फाइनल प्रवेशको सम्भावनालाई पनि जीवितै राखेको छ ।
नेपालले शुक्रबार माल्दिभ्समाथि ८४ रनले हराएको हो । कीर्तिपुरस्थित त्रिवि अन्तराष्ट्रिय क्रिकेट मैदानमा भएको खेलमा पहिले ब्याटिङ गरेको नेपालले निर्धात् ि२० ओभरमा ७ विकेट गुमाएर १६३ रन बनाएको थियो ।
करण केसीले ४० रन, उपकप्तान दीपेन्द्रसिंह ऐरीले ३९, विनोद भण्डारी र कप्तान ज्ञानेन्द्र मल्लले समान १९ रन बनाए । यस्तै आरिफ शेखले १७ रन जोड्दा पूर्वकप्तान पारस खड्काले ११ रनको योगदान दिए । माल्दिभ्सका लिम शफिगले सर्वा्धिक ३ विकेट लिए ।
जवाफमा माल्दिभ्सले पूरै २० ओभर खेल्दै ६ विकेटको क्षतिमा ७९ रन मात्रै बनाउन सक्यो । नेपालका लागी सुशन भारी र ललित राजवंशीले समान २÷२ विकेट लिए भने पवन सर्राफले १ विकेट लिए ।
यसअघि, बिहीबार नेपालले भुटानमाथि १४१ जित निकालेको थियो भने मंगलबार श्रीलंकासित ६ विकेटले पराजित भएको थियो । तीन खेलमा दुई जित निकालेको नेपाल अंकतालिकाको तेस्रो स्थानमा रहेको छ ।