Email :- prastakhabar@gmail.com
900x100-1779113053.gif

समाज

बलि दिन भारत लैजाँदै गरेकी युवतिको उद्धार

mahila-1577329736.jpg

Sketch

१० पुस, काठमाडौं । ‘बलि’का लागि काठमाडौंबाट भारत लैजाँदै गरिएकी एक किशोरीको नेपाल–भारत सीमाक्षेत्र जोगवनीआसपासबाट सकुशल उद्धार गरिएको छ । 
झापा घर भएकी ती किशोरीलाई ‘मोडल’ आवश्यक परेको भन्दै झुक्याएर भारततर्फ लगिँदै थियो। किशोरी पक्राउ परेलगत्तै प्रहरीले चारजनालाई मोरङ र दुईजनालाई काठमाडौंबाट पक्राउ गरी अनुसन्धान थालेको प्रहरीको भनाइ उद्धत गर्दै नागरिक दैनिकले समाचार बनाएको छ । 
पक्राउ पर्नेमा प्रेममाया तामाङ, दिलकुमारी बुढामगर, उमेशकुमार माझी, दिलीप पोद्दार, कृष्ण तामाङ र उमेश साह रहेको प्रहरी स्रोतको भनाइ छ ।महानगरीय प्रहरी परिसर काठमाडौंका प्रहरी प्रवक्ता होविन्द्र बोगटीले ६ जना पक्राउ परेको पुष्टि गरे। ‘किशोरीको उद्धार गरिएको छ। पक्राउ परेकाहरूबारे अनुसन्धान हुँदैछ,’ उनले भने। पक्राउ पर्नेमा दुईजना पति–पत्नीसमेत रहेको बताइएको छ । काठमाडौं बस्दै आएकी ती किशोरीले ६ महिनादेखि बानेश्वरस्थित फेसन डिजाइनसम्बन्धी पसल खोलेर बसेकी एक महिलासँग सम्पर्क बढाएकी थिइन्। त्यही महिलामार्फत उनी बलिका लागि मान्छे भारत लैजानेहरूको सम्पर्कमा पुगिकी हुन्।
ती किशोरीले पुस २ गते प्रहरीमा उजुरी दिएकी हुन्। त्यसपछि मात्रै परिसरले प्रहरी निरीक्षकको कमान्डमा अप्रेसन चलाएको थियो । बलि का लागि मान्छे भारत लानेहरूले ६ फिट उचाइ भएकी युवती चाहिएको बताएका थिए। आफ्नो उचाइ करिब ६ फिट भएकाले सम्पर्क ती किशोरीले उनीहरूलाई गरेकी थिइन्। राम्रो पैसा र पेसा दुवै पाइने भएपछि ती किशोरी भारत जान पनि तयार भएकी थिइन्। पहिलो अन्तर्वार्तामा उनलाई विभिन्न धर्मबारे प्रश्न गरिएको थियो। 
दोस्रो अन्तर्वार्ताका प्रश्नहरू खानपानतर्फ केन्द्रित थिए। उनीहरूले तेस्रोपल्ट पारिवारिक सम्बन्ध र महिनावारीबारे प्रश्न गरेका थिए। मोडलिङका लागि लाने भन्ने तर धर्म र महिनावारीबारे सोधेपछि ती किशोरी सशंकित भई प्रहरीकहाँ पुगेकी थिइन्। ‘जब उनी भारत जान तयार भइन्, त्यसपछि उनीहरूले कालो लुगा लगाएर परीक्षणसमेत गरे,’ स्रोतले भन्यो, ‘विभिन्न तन्त्रमन्त्रसमेत गरेको पाइयो। महिलालाई तान्त्रिक विधिका माध्यमले मन्त्र र पूजापाठमा संलग्न गराइएको समेत देखिएको छ।’
धार्मिक आस्था र मोडलिङ फरकफरक विषय भए पनि धर्मसम्बन्धी प्रश्न धेरै गरिएपछि शंका लागेर किशोरी प्रहरी कार्यालयमा उजुरी दिन गएकी थिइन्। सोही उजुरीका आधार प्रहरीले पुस २ गतेदेखि नै निगरानी गर्दै आएको थियो। पुस ५ गते उनीहरूले ती किशोरीलाई काठमाडौंबाट विराटनगर लगेका थिए । उनीहरू काठमाडौंबाट हिँडेपछि प्रहरीको टोली पनि मोरङ पुगेको थियो। मोरङबाटै प्रहरीले उनीहरूलाई मंगलबार साँझ काठमाडौं ल्याएको हो। प्रहरीले यसलाई गोप्य राखेर अनुसन्धान गरिरहेको जनाएको छ।


समाचार मन परे लाईक गर्नुहोस्



Ghatna-Darta-Notice-Makwa-1711432400.jpg
Bhu-Tatha-Jalaadhaar-Makw-1782566927.jpg

Kailash-Flu-Adv-1793289735.jpg
Mukhya-Mantri-karyalaya-1782567298.jpg
जलन-सम्बन-1746938159.gif
Ghatna-Darta-Notice-Htd-6-1688259813.jpg
चित्लाङबाट चरेससहित दुई जना नियन्त्रणमा
IMG-20261116-WA0002-1794801571.jpg

३० कार्तिक, हेटौंडा । इलाका प्रहरी कार्यालय पालुङ मकवानपुरको टोलीले चरेससहित दुईजना नियन्त्रणमा लिएको छ...

उदाउँदो सूर्यलाई अर्घ्य दिंदै छठ सम्पन्न
photo_2022-10-30_18-27-35-1794792655.jpg

३० कार्तिक, हेटौंडा । उदाउँदो सूर्यलाई अर्घ्य अर्पण गर्दै श्रद्धा, निष्ठा र लोकआस्थाको महापर्व छठ सोमबार विधिवत्...

मधेशमा नयाँ सरकारका लागि दावी पेश गर्न आह्वान
madhesh-pradesh-pramukh-1794706823.jpg

२९ कार्तिक, हेटौंडा । मधेश प्रदेशका मुख्यमन्त्री कृष्णप्रसाद यादवले राजीनामा दिएसँगै मधेश प्रदेशमा नयाँ सरकार...

लुम्बिनी लायन्स प्लेअफ चरणमा प्रवेश
Lumbini-2-1794706522.jpg

२९ कार्तिक, हेटौंडा । नेपाल प्रिमियर लिग (एनपिएल) अन्तर्गत विराटनगर किंग्सविरुद्ध चार विकेटको रोमाञ्चक जित...

छठमा आज अस्ताउँदो सूर्यलाई अर्घ्य दिइँदै
1794703807-2vD0z-1794706151.jpg

२९ कार्तिक, हेटौंडा । छठ पर्वको मुख्य दिन आज साँझ अस्ताउँदो सूर्यलाई पूजा आराधना गरी अर्घ्य दिइँदैछ । कार्तिक...

रास्वपाको २० सदस्यीय टोली आज चीन जाने
Rastriya-Swatantra-Party-1794705907.jpg

२९ कार्तिक, हेटौंडा । राष्ट्रिय स्वतन्त्र पार्टी (रास्वपा) को उच्चस्तरीय प्रतिनिधिमण्डल आज चीन भ्रमणमा जाने भएको...

साधारणतया बादल लाग्ने
Screenshot_20261115_07020-1794705428.jpg

२९ कार्तिक, हेटौंडा । हाल नेपालमा पश्चिमी वायुको आंशिक प्रभाव रहेको छ । जसको प्रभावले देशको हिमाली र पहाडी...

छठमा आज ‘खरना’ मनाइँदै
Screenshot_20261114_07144-1794619792.jpg

२८ कार्तिक, हेटौंडा । मधेशको मिथिला क्षेत्रमा अहिले छठ पर्वको उल्लास छ । चार दिने यो पर्वको दोस्रो दिन ब्रतालु आज...

जनकपुरविरुद्ध चितवन राइनोजको जित
GS_LALITPUR_DSC02259_deHp-1794619595.jpg

२८ कार्तिक, हेटौंडा । नेपाल प्रिमियर लिग एनपीएलअन्तर्गत शुक्रबारको दोस्रो खेलमा जनकपुर बोल्ट्सविरुद्ध चितवन...

थप समाचार