मकवानपुरका प्रहरी उपरीक्षक सिंह र प्रहरी निरीक्षक झाको विदाइ

११ पुस, हेटौंडा ।  मकवानपुर रहदा उच्च छबि बनाएका प्रहरी उपरीक्षक मुकेश कुमार सिंह र प्रहरी निरीक्षक पवन कुमार झाको विदाइ गरिएको छ।

जिल्ला प्रहरी कार्यालय मकवानपुरले शुक्रबार सरुवा भइ जान लागेका प्रहरी उपरीक्षक मुकेश कुमार सिंह र प्रहरी निरीक्षक पवन कुमार झाको विदाइ गरेको हो। कार्यालयले शुक्रबार एक कार्यक्रमको आयोजना गरी प्रहरी उपरीक्षक सिंह र प्रहरी निरीक्षक झालाई विदाइ गरेको हो । केही दिनअघि प्रहरी प्रधान कार्यालयले देशभरका २४ प्रहरी उपरीक्षकहरु र ४४३ प्रहरी निरीक्षकहरुको सरुवा गरेको थियो।जसअनुसार मकवानपुर प्रहरी प्रमुख प्रहरी उपरीक्षक मुकेश कुमार सिंहको सिंहको महानगरीय अपराध महाशाखामा सरूवा भएको छ ।

त्यसैगरी प्रहरी निरीक्षक पवन कुमार झाको इलाका प्रहरी कार्यालय कात्तिके देउराली काभ्रेपलाञ्चोक सरुवा भएको छ।बिदाई कार्यक्रममा बोल्दै प्रहरी उपरीक्षक सिंहले मकवानपुरबाट धेरै अनुभव सङ्गालेको र सेवाको क्रममा जतापुगे पनि मकवानपुरे जनताबाट पाएको मायालाई सदैव कदर गर्दै अघि बढने बताए । विदाइ भएसँगै उपरीक्षक सिंहले प्रस्ट खबरसंगै कुरा गर्दै मकवानपुर बसाईमा पत्रकार तथा संचारकर्मीबाट धेरै सहयोग र माया पाएको बताए । उनले मकवानपुरे पत्रकारीताको खुलेर प्रशंसा गरेका छन्। उपरीक्षक सिंहले जिल्लाको कमाण्ड समाल्दा लागु औषध नियन्त्रण, गाँजा फडानी, अपहरणकारी र एसिड काणडका आरोपि पक्राउ परेका थिए । उनि प्रहरी उपरीक्षक मध्येकै उच्च छबि भएका प्रहरीका रुपमा प्रख्यात रहेको छन। 

त्यसैगरी विदाइ कार्यक्रममा बोल्दै प्रहरी निरीक्षक झाले आफ्नो २५ बर्ष  सम्मको  प्रहरी कार्यकालमा मकवानपुरबाट धेरै कुरा सिक्ने मौका मिलेको बताए।विदाइ कार्यक्रममा जिल्ला प्रहरी कार्यालय मकवानपुरका प्रहरी निरीक्षक ललन प्रसाद कुर्मी, अमर गजमेर, बडा प्रहरी कार्यालय हेटौडाका प्रहरी निरीक्षक ईश्वरी प्रसाद भण्डारी,जिल्ला ट्राफिक प्रहरी कार्यालय मकवानपुरका प्रहरी निरीक्षक हरि बिष्णु ढकाल ,इप्रका पशुपतिनगरका प्रहरी निरीक्षक अरुण कुमार कुशवाहा ,प्रहरी निरीक्षक सुजन पाठक लगायतकाको प्रहरी कर्मचारीको उपस्थितीे रहेको थियो ।