भानु माविको बार्षिकोत्सव सम्पन्न 

११ पुस, हेटौडा । मकवानपुरगढी–३ मक्रान्चुलीमा रहेको भानु माविको ४३ औं वार्षिक उत्सव शुक्रवार सम्पन्न भएको छ । 
प्रदेश सभा सांसद प्रेमबहादुर पुलामीको प्रमुख आतिथ्यता एवम् विद्यालय व्यवस्थापन समितिका अध्यक्ष खिलप्रसाद चौलागाईको अध्यक्षतामा कार्यक्रम भएको हो । कार्यक्रममा विद्यालयका प्रधानाध्यापक राजेन्द्र्र थापाले विद्यालयको शैक्षिक र भौतिक प्रतिवेदन पेश गरेका थिए । कार्यक्रममा विभिन्न विद्यामा उत्कृष्ठ हुने शिक्षक, विद्यार्थी, अभिभावक लगायतकालाई पुरस्कृत गरिएको थियो । 
कार्यक्रममा मकवानपुरगढी–३ का अध्यक्ष भागवत घिमिरे, ५ का वडा अध्यक्ष जीतबहादुर घिमिरे, विद्यालयका पूर्व प्रधानाध्यापक शिवदयाल यादव, ज्यालादेवी आधारभूत विद्यालयका प्रधानाध्यापक शिवप्रसाद लामिछाने, सरस्वती आधारभूत विद्यालयका अध्यक्ष गोविन्द शर्मा, विद्यालयका पूर्व सहायक प्रअ यादवराज बराल, ज्योति माविका अध्यक्ष हर्क रम्तेल, रानी सामुदायिक वनका अध्यक्ष कृष्ण विडारी, शिक्षक अभिभावक संघका अध्यक्ष शिवप्रसाद चौलागाई, मकवानपुरगढी वृहत खानेपानी तथा सरसफाई समितिका अध्यक्ष विष्णुप्रसाद न्यौपाने, शिक्षक केदार तिमल्सिना लगायकताले मन्तव्य व्यक्त गरेका थिए । 
कक्षा १२ सम्म अध्यापन हुने यस विद्यालयमा हाल ४ सय ५ जना विद्यार्थाीहरु अध्ययनरत रहेका छन् । यो विद्यालय मकवानपुरगढी गाउँपालिकाको नमूना विद्यालय हो ।