हेटौंडामा अफरोड साइक्लिङ्ग

१२पुस, हेटौंडा। हेटौंडामा पहिलो पटक अफरोड साइक्लिङ्ग च्याम्पियनसिपको आयोजना गरिएको छ। 

हेटौंडा राइर्डस क्लबको आयोजना र मकवानपुरगढी गाउँपालिकाको कार्यालय, लक्ष्मण साइकल स्र्टोस र न्यू आर्यतारा ज्वेर्लस हुप्रचौरको मुख्य प्रायोजनमा हेटौंडा उपमहानगरपालिका सहित गढि गाउँपालिकाको अफरोडको परिक्रमा गरेर प्रतियोगिता सम्पन्न हुने आयोजकले जनाएको छ। 

भीमफेदी गाउँपालिकाको सामरीपुलबाट सुरु भएको २५ किलोमिटर लामो  साइक्लिङग रेस मकवानपुरगढीको वडा ५ र ६ साविक आमभञ्ज्याङको डुम्रेकुना बाट वडा २ बाँसपानी हुदैं शिकरकटेरी वडा ३ को मक्रान्चुली पुगिने र पिप्लेकुना हुदै हेटौंडा ४ स्थित खाना महोत्सव स्थल पुगेर समापन हुने  क्लबका अध्यक्ष विकास ताम्राकारले बताएका छन्।

कार्यक्रमको  जिल्ला समन्वय समितिका प्रमुख रघुनाथ खुलालले सिठ्ठी बजाएर कार्यक्रमको सुरुवात गरेका थिए।भ्रमण वर्ष २०२० को अवसरमा पारेर साइक्लिङ्ग च्याम्पियनसिपको आयोजना गरेको र च्याम्पियनमा  देशका विभिन्न शहर हेटौंडा, काठमाडौं दाङ, धरान, निजगढ, सिमरा ,चितवनका  राष्ट्रिय स्तरका ४ महिला सहित ४१ साइकिलिस्टहरुको सहभागिता रहेको आयोजनाले जनाएको छ।

च्याम्पियनसिपमा  प्रथम हुनेले  ५० हजार नगद सहित ट्रफी,मेडल र प्रमाणपत्र, दोस्रोले ३० हजार र तेस्रो हुनेले २० हजार नगद प्राप्त गर्ने आयोजकले बताएका छन्। त्यसैगरी च्याम्पियनसिपमा सहभागिता मध्ये ४० वर्ष माथीको एक जना साइकललिस्ट लाई उत्कृष्ट घोषित गरि २० हजार बराबरको साईकल पुरस्कार  प्रदान गरिने आयोजकले जनाएको छ ।