चुच्चेखोला सामुदायिक वनको साधारणसभा सम्पन्न

१२ पुस, हेटौंडा । हेटौडा–६ चुच्चेखोलामा रहेको चुच्चेखोला सामुदायिक वन उपभोक्ता समूहको ३० औं वार्षिक साधारणसभा शनिवार सम्पन्न भएको छ । 
साधारणसभामा समूहका अध्यक्ष अर्जुनप्रसाद दाहालले प्रगति प्रतिवेदन, कोषाध्यक्ष राजनप्रसाद चौलागाईले आर्थिक प्रतिवेदन र लेखा समितिका संयोजक श्यामलाल श्रेष्ठले लेखा समितिको प्रतिवेदन पेश गरेका थिए । प्रदेश नं. ३ को उद्योग, पर्यटन, वन तथा वातावरण मन्त्रालयका सहायक वन अधिकृत नवराज पुडासैनीको प्रमुख आतिथ्यता एवम समूहका अध्यक्ष अर्जुनप्रसाद दाहालको अध्यक्षतामा साधारणसभा भएको थियो ।
साधारणसभामा संचारकर्मी भीमसेन पौडेल, रुपेश दुलाल, पूर्व निर्वाचन समितिका संयोजक गौरबकुमार पराजुली, गोपालचन्द्र भट्टराई, ईन्दिरा गौतम, वनडढेलो नियन्त्रणमा सहयोग गर्ने, सालक पार्क निर्माण र विधान तथा कार्ययोजना लगायतका कामहरुमा सहयोग गर्ने विभिन्न व्यक्तिहरुलाई सम्मान गरिएको थियो । 
साधारणसभामा हेटौडा–६ का वडा अध्यक्ष अर्जुनप्रसाद चौलागाई, डिभिजन वन कार्यालय, मकवानपुरका सहायक वन अधिकृत बसन्तराज गौतम, सामुदायिक वन उपभोक्ता महासंघ, मकवानपुुरका अध्यक्ष साधुराम चौलागाई, रानी सामुदायिक वनका अध्यक्ष कृष्ण बिडारी, घयाम्पे सामुदायिक वनकी अध्यक्ष दुर्गा महत, कामधेनु बहुउद्धेश्यीय सहकारी संस्थाका अध्यक्ष गौरबकुमार पराजुली, मनकामना दुग्ध उत्पादक सहकारीका अध्यक्ष कृष्ण प्रसाद दाहाल, समूहका सल्लाहकार उदय बिडारी, उपभोक्ता कमला श्रेष्ठ, समूहका कार्यालय सचिव केदारप्रसाद गौतम लगायतले मन्तव्य व्यक्त गरेका थिए । 
आव ०७५/०७६ मा ६१ लाखको कारोवार गरेको समूहले चालुृ आव ०७६/०७७ मा २ करोड १८ लाखको कारोवार गर्ने लक्ष्य राखेको समूहका कार्यालय सचिव केदार गौतमले बताए ।