मुनलाईटले शुरु गर्यो कफी हाउस

१५ पुस, हेटौँडा । हेटौंडा-६ शान्तिटोलमा रहेको मुनलाईट इन्टरनेशनल स्कूलले मंगलबार कफी हाउस कार्यक्रमको आयोजना गरेको छ । हेटौंडा–४ मा रहेको नवोदय शिशु सदन अंग्रेजी विद्यालयसंगको सहकार्यमा मुनलाईटले कफी हाउसको आयोजना गरेको हो । 
विद्यार्थीमा लुकेर रहेको प्रतिभा प्रस्फुटनको लागि कफी हाउस कार्यक्रमको आयोजना गरेको विद्यालय सञ्चालक संस्था मकवानपुर मुनलाईट ईन्टरनेशनल प्रालिका प्रबन्ध निर्देशक भरत सापकोटाले बताए । नवोदयका १४ जना विद्यार्थी र २ जना शिक्षकले मुनलाईटका २७ जना विद्यार्थीलाई साहित्य लेखनमा दुई साता सहजिकरण गरेका थिए । कक्षा ४ देखी कक्षा ७ सम्म अध्ययन गर्ने साहित्य क्षेत्रमा रुचि राख्ने २७ जना विद्यार्थीले मंगलबार भएको कफी हाउस कार्यक्रममा नेपाली र अंग्रेजी भाषामा कथा लेखन, कविता लेखन (गद्य/पद्य) तथा चित्रकला सम्बन्धी जानकारी लिएका थिए । विद्यार्थीहरुले आफूले रचना गरेका कथा कविता मंगलबार विद्यालयमा आयोजित कार्यक्रममा बाचन गरेका थिए । 
विद्यालय व्यवस्थापन समितिका अध्यक्ष बासुदेव सापकोटाको अध्यक्षतामा भएको कार्यक्रममा हेटौंडा ६ का वडा अध्यक्ष अर्जुनप्रसाद चौलागाईको प्रमुख आतिथ्यता रहेको थियो । कार्यक्रममा वडा अध्यक्ष चौलागाईले विद्यालयले विद्यार्थीहरुलाई साहित्यको क्षेत्रमा अव्बल बनाउन गरेको कामको प्रशंसा गरे । ६ नम्बर वडाको विद्यालयहरुको लागि कफी हाउस नयाँ कार्यक्रम भएको भन्दै अन्य विद्यालयले पनि यसलाई अनुसरण गद्रा राम्रो हुने बताए । कक्षा ७ सम्म अध्यापन हुने विद्यालयमा ४ सय जना विद्यार्थी अध्ययनरत रहेको विद्यालयले जनाएको छ । आगामी दिनमा पनि कक्षागत रुपमा कफी हाउस कार्यक्रम सञ्चालन गरी विद्यार्थीहरुको प्रतिभा प्रस्फुटन गराउने काम विद्यालयले गर्ने प्रबन्ध निर्देशक सापकोटाले बताए ।