आइएमईद्धारा सम्मानीत भए मकवानपुरका उत्कृष्ट २९ एजेन्ट

सम्मानीत भएका मकवानपुरका उत्कृष्ट २९ एजेन्ट

२२पुस,हेटौँडा।ईन्टरनेसन्ल मनी एक्सप्रेस(आइएमई)ले मकवानपुरका आइएमई सेवा प्रदायक उत्कृष्ट २९ एजेन्टलाई सम्मान गरेको छ।
मंगलबार हेटौंडामा एक कार्यक्रमको आयोजना गर्दै आइएमईले मकवानपुरमा रहेका मध्ये बैंक, फाइनान्स, सहकारी तथा निजी सहितका २९ उत्कृष्ट एजेण्टलाई सम्मान गरेको हो ।
आईएकई ग्रुपका तालिम प्रबन्धक माधव कटुवालको प्रमुख आतिथ्यतामा र आइएमई क्षेत्रीय कार्यालय नारायणघाटका प्रमुख सुरज पौडेलको विशेष आतिथ्यतामा भएको सम्मान कार्यक्रमा उत्कृष्ट भएका एजेण्टहरुलाई तालिम प्रबन्धक कटुवालले डिजिटल प्रविधिका बारेमा तालिम प्रदान गरेका थिए ।कार्यक्रममा बोल्दै क्षेत्रीय प्रमुख सुरज पौडेलले प्रविधिको विकाससंगै भुक्तानीको तरिकामा पनि फरकपना आउनु पर्ने धारणा व्यक्त गरेका थिए ।आईएमईले केही समय अघि मात्रै ल्याएको आईएमई–पे फिचर्सलाई पनि आफ्ना एजेण्टहरुले उत्कृष्ट बनाउने अपेक्षा रहेको धारणा व्यक्त गरेका थिए।आईएमईले आउँदो शुक्रबार पनि हेटौंडामा आफ्ना एजेण्टहरुका लागि डिजिटल भुक्तानीको बारेमा विशेष कार्यक्रम गर्ने बताएको छ ।  
                                                 पदमपोखरी डिजिटल गाउँ हुने
आईएमई ग्रुपले भोलि बुधबार थाहानगरमा डिजिटल गाउँ अभियान सञ्चालन गर्नै आउँदो शनिबार हेटौंडा उपमहानगरपालिकाको पदमपोखरीमा डिजिटल गाउँ अभियान सञ्चालन गर्ने आईएमका क्षेत्रीय कार्यालय नारायणघाटका प्रमुख सुरज पौडेलले जानकारी दिएका छन् ।उनले आईएमईले मकवानपुरका केही पेट्रोल पम्पहरुमा आईएमई–पे बाट भुक्तानी दिने कार्य समेत अघि बढिसकेको बताएका छन् । कार्यक्रममा क्षेत्रीय कार्यालयका राजु श्रेष्ठ, पुरुषोत्तम सुवेदी लगायत जिल्लाका आईएमई ग्रुपका व्यावसायिक साझेदारहरुको सहभागिता रहेको थियो ।