राजदेवी दुग्ध सहकारीको भेला तथा रजत महोत्सव सम्पन्न

२२ माघ, हेटौंडा । हेटौडा–१७ राजदेवीमा रहेको राजदेवी दुग्ध उत्पादक सहकारी संस्थाको २५ औं वार्षिक साधारणसभा एवम रजत महोत्सव सम्पन्न भएको छ । 
साधारणसभामा संस्थाका अध्यक्ष रामप्रसाद तिमल्सिनाले संस्थागत प्रतिवेदन, लेखा सुपरीवेक्षण समितिका संयोजक रमेशकुमार पराजुलीलले लेखा समितिको प्रतिवेदन, ऋण उपसमितिकी संयोजक टिका कार्कीले ऋण उपसमितिको प्रतिवेदन र व्यवस्थापक घनश्याम दाहालले आव ०७५/०७६ को लेखापरीक्षण प्रतिवेदन र चालु आव ०७६/०७७ को लागि करीव ५ करोडको अनुमानित आयव्यय विवरण प्रस्तुत गरेका थिए । 
भेलामा संस्थापक संचालक सदस्य लक्ष्मणप्रसाद लुईटेल, बलबहादुर थापा, बढी दूध विक्री गर्ने तुलसीराम धमला, किरण चौरेल, सावित्री संजेल, गुणस्तरीय दूध विक्री गर्ने अर्जुनप्रसाद चौरेल, गोविन्द चौलागाई, सन्तकुमारी अधिकारीलाई पुरस्कृत गरिएो थियो । यसैगरी असली कारोवारीमा रामकुमारी कार्की र रुद्रप्रसाद न्यौपानेलाई पनि पुरस्कृत गरिएको थियो ।  
कार्यक्रममा रजत महोत्सवको अवसरमा आयोजित विभिन्न खेलकुद प्रतियोगिताका विजयी व्यक्तिहरुलाई समेत पुरस्कृत गरिएको थियो । 
साधारणसभा हेटौडा उपमहानगरपालिकाका मेयर हरिबहादुर महतको प्रमुख आतिथ्यता एवम संस्थाका अध्यक्ष रामप्रसाद तिमल्सिनाको सभाध्यक्षतामा भएको थियो । 
साधारणसभामा हेटौडा–१७ का वडा अध्यक्ष भैरब बहादुर राई, वडा सदस्य भीमप्रसाद अधिकारी, मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी, व्यवस्थापक कुमारमणी दहाल, किसान दुग्ध उत्पादक सहकारीका अध्यक्ष उद्धव सत्याल, चेतनशिल दुग्ध उत्पादक सहकारीका संचालक सदस्य बलराम पौडेल, संस्थाका सल्लाहकार कृष्ण प्रसाद नेपाल, उपाध्यक्ष प्रतिमा चौलागाई लगायतकाले मन्तव्य व्यक्त गरेका थिए । 
साधारणसभामा संस्थाद्वारा प्रकाशित राजदेवी स्मारिकाको नगर प्रमुख महतले विमोचन गरेका थिए ।