४० मुरीभन्दा बढी धान फलाउनुस १ लाख पुरस्कार जित्नुस

३० बैशाख, हेटौंडा । पाँचथरको मिक्लाजुङ गाउँपालिकाले ४० मुरीभन्दा बढी धान उत्पादन गर्ने परिवारलाई एक लाख रुपैयाँ पुरस्कार दिने घोषणा गरेको छ ।
कोरोना भाइरसको महामारी तथा लकडाउनका कारण गाउँपालिकाभित्र उत्पन्न हुन सक्ने खाद्यान्न संकट न्यूनीकरणका लागि किसानलाई कृषि उत्पादनमा प्रेरित गर्न उद्देश्यले गाउँपालिकाले पुरस्कारको व्यवस्था गरेको हो । 
यस्तै चार फुट उचाइ र २० फुट लम्बाइको मकैको थाङ्ग्रो राख्ने कृषकलाई समेत सोही राशिको पुरस्कार दिइने गाउँपालिकाले जनाएको छ
यस्तै ३५ मन (प्रतिमनमा ४० किलो) भन्दा बढी आलु उत्पादन गर्ने कृषकलाई प्रतिकिलो २० रुपैयाँका दरले पुरस्कार दिइने निर्णय पनि भएको गाउँपालिकाका प्रमुख प्रशासकीय अधिकृत अरुण राईले जानकारी दिए ।
शुक्रबार सम्पन्न गाउँ कार्यपालिकाको बैठकले ‘कोरोना सङ्क्रमणबाट उत्पन्न परिस्थितिमा कृषिजन्य उपज उत्पादन वृद्धिमा उत्प्रेरणा ल्याउन कृषकलाई सम्मान तथा पुरस्कार वितरणसम्बन्धी कार्यविधि २०७६ पारित गरेको थियो । 
साही कार्यविधिका आधारमा कृषकलाई पुरस्कार दिने निर्णय गरिएको प्रमुख प्रशासकीय अधिकृत राईले जानकारी बताए ।
यो पुरस्कार आउँदो आर्थिक वर्षका लागी मात्रै लागू हुने पनि गाउँपालिकाले जनाएको छ । चालु आर्थिक बर्षभित्रै उत्पादन हुने खाद्यान्नको खेती भइसकेकाले आउँदो आवबाट लागु हुने गरी पुरस्कार स्थापना गरिएको अधिकृत राईले जानकारीको भनाई छ । फोटोः गुगल