सेभेन सेन्सेस ग्रुपद्वारा राक्सिराङको एक विद्यालयमा शैक्षिक सामाग्री सहयोग

२७ माघ,हेटौँडा । सेभेन सेन्सेस ग्रुपले मकवानपुरको राक्सिराङ गाउँपालिका वडा नम्वर ९ मा रहेको एक विद्यालयका विद्यार्थीलाई शैक्षिक सामाग्री सहयोग गरेको छ।गुप्रले राक्सिराङ-९ मा रहेको तेनसुराङ आधारभूत विद्यालयका विद्यार्थीलाई शैक्षिक सामग्री सहयोग गरेको हो।

तामाङ तथा बढी चेपाङ जातिको बाहुल्यता रहेको विद्यालयमा शैक्षिक सामग्रीको अभावले पछाडि परिरहेको अवस्थामा सेभेन सेन्सेस ग्रुपले विद्यालयमै पुगी शैक्षिक सामग्री सहयोग गरेको 

छ ।दीपेश जोशी, बसन्त कप्रौला, गोकर्ण सुवेदी, विज्ञान रिमाल, रमेश काफ्ले, सरोज गहतराज, सुजन ढकाल, रोहितशाही, हरिशर्मा लामिछाने, जीवन ढकाल, लालबहादुर पौडेललगायत युवा व्यवसायीको सहयोगमा मंगलबार विद्यालयलाई शैक्षिक सामग्री सहयोग गरेको हो  । 

सहयोगी हातहरुले विद्यालयमा अध्ययनरत  विद्यार्थीलाई स्वीट्र, टोपी, झोला, कापी, ४ वटा सेतोपार्टी बोर्ड विद्यालयका प्रधानाध्यापक रामनारायण ढकाललाई हस्तान्तरण गरेका हुन ।दुर्गम ठाउँमा अवस्थित अतिविपन्न, गरिब तथा जेहेन्दार विद्यार्थीको पढाईमा सहयोग पु¥याउने उद्देश्यले करिव १ लाख रुपैयाँ बराबरको शैक्षिक सामग्री सहयोग गरिएको ग्रुपका सदस्य दीपेश जोशीले जानकारी दिए ।

विद्यालयको शैक्षिक स्थिति कमजोर भएकोले विभिन्न दातृ निकाय संस्थासँग सहयोग माग्दै विद्यालय सञ्चालन गरिरहेको तेनसुराङ विद्यालयका प्रधानाध्यापक रामनारायण ढकालले बताए । स्थानीय तहले कर्मचारीलाई तलवमात्र वितरण गर्ने तर शैक्षिक सामग्रीमा कुनै सहयोग नगरेमा उनले गुनासो पोखे ।  कक्षा १ देखि ३ सम्म अध्यापन हुने विद्यालयमा करिव ६३ जना विद्यार्थी अध्ययनरत रहेका छन्।