जिल्ला लिग भदौ १३ बाट

३० साउन, हेटौँडा । मकवानपुर जिल्ला फुटबल संघको आयोजनामा गत बर्षकबाट सुरु गरिएको जिल्ला लिग यस बर्ष यही भदौ १३ गतेबाट  हुने भएको छ ।    

जिल्ला लिगको बारेमा जानकारी दिदै जिल्ला फुटबल संघ मकवानपुरका महासचिव सचिन मानन्धरले यस बर्षबाट पुरस्कार राशिमा बृद्धि गरिएको बताए । महासचिव मानन्धरका अनुसरा यस बर्षबाट विजेताले ५० हजार र उपविजेताले २५ हजार पाउने भएका छन् । यसअघि विजेता र उपविजेताले क्रमशः ४० हजार र २५ हजार रुपियाँ प्राप्त गरेका थिए । हेटौँडा ४ स्थित लोकतान्त्रिक हुप्रचौरमा हुने प्रतियोगितामा कम्तिमा १६ टिमले सहभगिता जनाउने आयोजकले जनाएको छ । यस बर्ष प्रतियोगिता हेर्न टिकटको व्यवस्था गरिएको जिल्ला फुटबल संघका सदस्य युवराज लामाले जानकारी दिए । लिगकम नकाउटको आधारमा खेलाइने प्रतियोगितामा विधागत उत्कृष्ट खेलाडीहरुलाई ५ हजार पुरस्कारको व्यवस्था गरिएको पनि लामाले जानकारी दिए । यस्तै प्रतियोगितमा जिल्ला भित्रका खेलाडीले मात्रै भाग लिन पाउने व्यवस्था गरिएको छ भने पछिल्लो राष्ट्रिय लिग खेलेका खेलाडीको हकमा भने प्रतियोगितामा सहभागी हुन नपाउने आयोजकले जनाएको छ । प्रतियोगितामा सहभागिताका लागि प्रत्येक टिमले दर्ता स्वरुप ५ हजार बुझाउनु पर्ने र सो वापत दर्ता भएको प्रत्येक टिमलाई तयारीका लागी फुटबल प्रदान गरिने बताइएको छ ।