पत्रकार महासंघको २५ औं महाधिवेशन शुरु

४ भदौँ ,काठमाडौँ ।  नेपाल पत्रकार महासंघको २५ औं महाधिवेशन आइतबार बाट काठमाडौँमा सुरु भएको छ । ‘व्यावसायिक पत्रकारिताको आधारः प्रेस स्वतन्त्रता र श्रम अधिकार’ भन्ने मूल नाराका साथ काठमाडौँमा कमलादीस्थित प्रज्ञा प्रतिष्ठानमा शुरु भएको महाधिवेशनको प्रधानमन्त्री शेरबहादुर देउवाले  एक समारोहका बिच उद्घाटन गरेका हुन ।

उद्घाटनमा बोल्दै प्रधानमन्त्री देउवाले संविधानको कार्यान्वय गर्न र लोकतन्त्रलाई संस्थागत गर्न  प्रेसलाई अझै बढी जिम्मेवार भएर अघी बढन  आग्रह गरेका छन  भने आफुले सञ्चार क्षेत्रको विकासमा  सहयोग गर्ने प्रतिवद्धता समेत  व्यक्त गरेका छन  । कार्यक्रममा सरकारका प्रवक्ता एवम् सूचना तथा संञ्चारमन्त्री मोहनबहादुर बस्नेतले  संचारमैत्री वातावरण निर्माणमा आफू लागिपर्ने प्रतिवद्धता पनि व्यक्त गर्दै कृष्णप्रसाद भट्टराई संचार प्रतिष्ठान स्थापना गर्ने आफनो लक्ष्य रहेको बताए ।  त्यसैगरी नेपाल पत्रकार महासंघका अध्यक्ष डाक्टर महेन्द्र विष्टले महासंघले पुराना र पीडित पत्रकाहरुलाई सामाजिक सुरक्षाका विषयमा सम्बोधन गर्ने प्रयास भईरहेकोले पत्रकारहरुलाई निराश नहुन अनुरोध गरे । कार्यक्रममा कृष्णप्रसाद भट्टराई राष्टिय पत्रकारिता पुरस्कारबाट पत्रकार बिजयकुमार पाण्डेय र गोविन्द वियोगी राष्टिय पत्रकारिता पुरस्कारबाट पत्रकार भैरव रिसाललाई पुरस्कृत गरिएको थियो । 
सोमबार नेतृत्व चयनका लागि मतदान हुने  महाधिवेशनले आगामी तीन वर्षे कार्यकालका लागि ४५ सदस्यीय नयाँ नेतृत्व चयन गर्नेछ ।  महासंघको नेतृत्वका लागि अध्यक्षमा काँग्रेस निकट प्रेस युनियन र माओवादी केन्द्र निकट प्रेस सेन्टरको समर्थनमा  गोविन्द आचार्य , नयाँ शक्ति पार्टी, नेपाल, संघीय समाजवादी फोरम, नेपाल लगायतका पार्टी निकट पत्रकार संगठनहरुको समर्थनमा एमाले निकट प्रेस चौतारीमा तीर्थ कोइराला र उजिर मगरले उम्मेदवारी दिएका छन् । निर्वाचनमा सहभागी हुन देशभर र प्रवासबाट गरी कुल १ हजार ५ सय प्रतिनिधि  काठमाडौँमा भेला भएका छन् ।