मुख्यमन्त्री पौडेलद्वारा बागमती प्रदेश यातायात व्यवस्थापन सुचना प्रणालीको शुभारम्भ

८ साउन,हेटौंडा। बागमती प्रदेश सरकारले सवारी साधनहरुको अनलाइन प्रविधिबाट भुक्तानी गर्न तयार गरिएको यातायात व्यवस्थापन सूचना प्रणालीको शुभारम्भ गरिएको छ। 

बागमती प्रदेशका मुख्यमन्त्री डोरमणी पौडेलले शुक्रवार एक समारोहका बीच सवारी  साधनहरुको अनलाइन प्रविधिबाट भुक्तानी गर्न मिल्ने गरी बनाइएको यातायात व्यवस्थापन सूचना प्रणालीको उदघाटन गरेर शुभारम्भ गरेका हुन।उदघाटन कार्यक्रममा मुख्यमन्त्री पौडेलले हेटौंडाका सेवाग्राही चिन्तामणी फुयाँलको मोटरसाइकलको उक्त प्रणालीलाई मार्फत राजश्व तिरेर यातायात व्यवस्थापन सूचना प्रणालीको शुभारम्भ गरेका हुन।  

बागमती प्रदेश भौतिक पूर्वाधार विकास मन्त्रालयले बागमती प्रदेशमा दर्ता भएका सवारीको अनलाइन प्रणालीबाट राजश्व तिर सक्ने उद्देश्यले उक्त प्रणालीको आजबाट विधिवत रुपमा शुभारम्भ गरिएको जनाइएको छ।यस प्रणालीले कर निर्धारण गर्ने,इम्बोस्ड नम्बर प्रणाली,सवारी बिमा पहिचान लगायतका कार्य सहज बनाइ कर प्रणालीमा सहजता आउने जनाइएको छ।  

सूचना प्रणालीको शुभारम्भ कार्यक्रममा बागमती प्रदेशका भौतिक पूर्वाधार विकास मन्त्री रामेश्वर फुयाँल,अर्थ मन्त्री मामिला मन्त्री कैलाश ढुङ्गेल,कृषि मन्त्री दावा दोर्जे लामा,सामाजिक मन्त्री सरस्वती बस्नेत,जिल्ला समन्वय समिति मकवानपुर प्रमुख रघुनाथ खुलाल,बागमती प्रदेशका प्रमुख सचिव डाक्टर मुकुन्द प्रसाद पौडेल,बागमती प्रदेशका प्रहरी प्रमुख डिआइजी प्रकाश जंग कार्की लगायतको विभिन्न प्रदेश मातहतका कार्यक्रमका प्रमुखहरुको उपस्थिति रहेको थियो।बागमती प्रदेश भौतिक पूर्वाधार विकास मन्त्रालय अन्तर्गत रहेका यातायात व्यवस्थापन तथा सेवा कार्यालय गरी ६ वटा कार्यालयबाट यस प्रणालीबाट सेवा लिन सकिने छ।