पत्रकार नागरिकप्रति उत्तरदायी हुनुपर्छः केन्द्रीय अध्यक्ष पोखरेल

१९ भदौ, हेटौंडा । नेपाल पत्रकार महासंघका केन्दिय अध्यक्ष बिपुल पोखरेलले पत्रकारले नागरिकका लागि पत्रकारिता गर्ने भएकाले पत्रकारहरु नागरिकप्रति उत्तरदायी हुनुपर्ने बताएका छन् । 
बिहिवार नेपाल पत्रकार महासंघ मकवानपुरको समन्वयमा भएको मिडियामा  समावेशीकरण र अभिव्यक्ति स्वतन्त्रता सम्बन्धि नितिगत छलफल तथा उत्तरदायी पत्रकारिता अभिमुखिकण कार्यक्रममा बोल्दै अध्यक्ष पोखरेलले पत्रकारहरुले समाज र नागरिका लागी पत्रकारिता गर्ने हुनाले पत्रकारहरु मर्यादित र नागरिक प्रति उत्तरदायी हुनुपर्ने बताएका हुन् । उनले पत्रकारहरु राज्यको चौथो अंगको रुपमा रहिआएको र नागरिकहरुको सबैभन्दा विश्वासिलो पात्र भएकाले यसलाई थप माथि उकास्न ईमानदारी पुर्वक आफनो भूमिका निर्वाह गर्नुपर्नेमा जोड दिए ।
अध्यक्ष पोखरेलले पत्रकारलाई जिम्मेवार र उत्तरदायी बनाउन सरकार, नागरिक समाज र सरोकारवालाहरुको भूमिकापनि महत्वपूर्ण हुने बताए । उलने समाज परिवर्तनको जिम्मेवारी बोकेको पत्रकारी क्षेत्र गैरजिम्मेवार भयो भनेर हिलो छयाप्नुभन्दा पनि यसलाई मर्यादित र व्यवस्थित कसरी बनाउन सकिन्छ भन्ने तिर सबैको चासो हुनपर्र्नेमा जोड दिए । 
यस्तै राज्यले पत्रकारिता क्षेत्रलाई राजनितिक कुण्ठाको आधारमा व्यवहार गर्ने र प्रतिशोधका आधारमा नितिनियम निमार्ण गर्ने गरेको आरोप लगाउदै पत्रकारले आफनो पक्षमा मात्रै कलम चालाईदिओस भन्ने भावनाबाट राज्यपक्षलाई बाहिर आउन आग्रह पनि गरे । 
नेपाल पत्रकार महासंघ मकवानपुरका अध्यक्ष मणिराज गौतमको सभाध्यक्षतामा भएको कार्यक्रममा महासंघका केन्द्रिय सचिव गोविन्द प्रसाद चौलागाई, केन्द्रिय कोषाध्यक्ष  कलेन्द्र  सेजुवाल,  केन्द्रिय सदस्य सुनिल खड्का, महासंघ बागमती प्रदेशका निर्वतमान अध्यक्ष  प्रताप विष्ट, पूर्वअध्यक्ष भानुभक्त आर्चय र विभिन्न संचारसंस्थामा आबद्ध पत्रकार एवम नागरिक समाजका प्रतिनिधीहरुको अतिथ्यता रहेको थियो  ।