व्यवसायीलाई मध्यनजर गर्दै हेटौंडामा लञ्च भयो 'मोबाइल खाता'

१७ भदौं,हेटौंडा। बागमती प्रदेशको राजधानी हेटौंडामा मोबाइल खाता संचालनमा आएको  छ।

मोबाइल खाता निर्माण कम्पनी वेदान्त टेक्नोलोजीज प्रा लि ले बिहीबार हेटौंडामा पत्रकार सम्मेलनको आयोजना गर्दै मोबाइल खाताको बारेमा जानकारी गराएको हो।पत्रकार सम्मेलनमा बोल्दै प्रा लि का प्रबन्धक भरत सापकोटाले पसलमा प्रयोग हुने परम्परागत डे बुक तथा लेजरको सट्टामा मोबाइल मा नै आफ्ना सम्पूर्ण व्यवसायिक गतिविधिलाई डिजिटल रुपमा राख्न सकिने,खरिद बिक्री,खर्च उधारो आदी सम्पूर्ण लेखा हिसाब मोबाइलमा नै राख्न सकिने बताए।  मोबाइल खातालाई गुगल प्ले स्टोर र एप्प स्टोरमा गएर डाउनलोड गरेर सक्रिय गराउन सकिने र हाललाई एक महिनामा सम्म निशुल्क चलाउन अफर दिएको पत्रकार सम्मेलनमा बताइएको छ। "मोबाइल हातमा खाता साथमा" भन्नै  मुल नारा सहित बिशेष गरी व्यवसायीलाई सहज होस भनेर प्रदेशको राजधानी हेटौंडामै पहिलो पटक एकै साथ खर्च,रिपोर्ट र ग्राहकले तिर्न बाकी रकमलाई खाता आफैले रिमाइन्ड गर्न मिल्ने गरि मोबाइल खाताको निर्माण गरी संचालनमा ल्याइएको हो ।

इ-सेवा,खल्ति भन्दा भिन्न रहेको मोबाइल खाता खरिद गरी प्रयोग गर्नका लागि ग्राहकले बार्षिक  ५ हजार र  मुल्य अभिवृद्धि कर तिर्नु पर्नेछ भने प्रत्येक वर्ष तोकिएको रकम तिरेर नविकरण गर्नुपर्नेछ।