जनकल्याणको २६ औं बार्षिकउत्सवमा शुभकामना आदान प्रदान

२४ भदौं,हेटौंडा। हेटौडा–६, चौघडामा रहेको जनकल्याण बचत तथा ऋण सहकारी संस्थाले आफनो २६ औं स्थापना दिवसको अवसरमा शुभकामना आदानप्रदान कार्यक्रमको आयोजना गरेको छ ।बिहीबार बिहान संस्थाको हेटौंडा-६ स्थित कार्यालयमा शुभकामना आदानप्रदान कार्यक्रमको आयोजना गरिएको हो। 

सहकारीका अध्यक्ष हिमाल पौडेलको सभाध्यक्षतामा तथा हेटौडा–६ का वडा अध्यक्ष अर्जुन प्रसाद चौलागाँईको प्रमुख आतिथ्यतामा कार्यक्रमको आयोजना गरिएको हो। 

कार्यक्रममा संंस्थाका कर्मचारी झम्क प्रसाद गौतमले संस्थाले गरेका विभिन्न गतिविधिहरुको बारेमा जानकारी गराएका थिए । जनकल्याण सहकारी संंस्था मकवानपुर जिल्लामा बचत तथा ऋण सहकारी संस्थाको नामबाट पहिलो दर्ता भएको संस्था हो । संस्थाले जिल्ला तथा राष्ट्रिय स्तरको पुरस्कार प्राप्त गरेको छ । 

कार्यक्रममा संस्थाका निवर्तमान अध्यक्ष रघुप्रसाद आचार्य, निवर्तमान उपाध्यक्ष नारायण प्रसाद अधिकारी, सल्लाहकार बद्री बहादुर पाठक,चौघडा बचत तथा ऋण सहकारीका सचिव अर्जुन प्रसाद हुमागाई, कामधेनु बहुउद्धेश्यीय सहकारीका व्यवस्थापक भीमसेन पौडेल, संस्थाका पूर्व व्यवस्थापक प्रल्हाद शर्मा आचार्य, उपाध्यक्ष श्याम प्रसाद भट्टराई, सचिव मीना अधिकारी लगायतकाले शुभकामना मन्तव्य व्यक्त गरेका थिए ।

२०५३ सालमा स्थापित सहकारीमा हाल महिला १ हजार ४ सय १३ पुरुष १ हजार १ सय ४३ गरि २ हजार ५ सय ६६ जना शेयर सदस्यहरु रहेका छन।संस्थाले आफनै सुविधा सम्पन्न भवनबाट हाल सम्म २१ करोड भन्दा बढीको कारोवार गरिसकेको छ भने संस्थामा ४ जना कर्मचारीहरु कार्यरत रहेका छन।