फोटो पत्रकार समूह मकवानपुरको अध्यक्षमा दाहाल 

३१ भदौ, हेटौंडा । राष्ट्रिय फोटो पत्रकार समूह मकवानपुर शाखाको अध्यक्षमा धमेन्द्र दाहाल चयन भएका छन् । यसअघि उपाध्यक्ष रहेका दाहाललाई दास्रो अधिवेशनले अध्यक्ष पदमा सर्वसम्मत चयन गरेको हो । 
समूहको उपाध्यक्षमा विजय पौडेल, सचिवमा बलराम पुडासैनी, कोषाध्यक्षमा सरला अधिकारी र सहसचिवमा उज्वल अधिकारी सर्वसम्मत चयन भएका हुन् । त्यसैगरी सदस्यहरुमा राजन कटुवाल, विक्रम कुमार बानियाँ, मीना श्रेष्ठ, दिल बहादुर रुम्बा, अनिष चौलागाई र सुसन लामिछाने चयन भएका छन् । 
राष्ट्रिय फोटो पत्रकार समूह मकवानपुरका अध्यक्ष कपिल खड्काको अध्यक्षतामा भएको कार्यक्रममा हेटौंडा उपमहानगरपालिकाका मेयर हरिबहादुर महतको प्रमुख आतिथ्यता रहेको थियो । कार्यक्रममा मेयर महतले पत्रकारिता क्षेत्रको लागि सहयोग गर्न हेटौंडा उपमहानगरपालिका सदैव तयार रहेको बताए । 
पत्रकार महासंघ मकवानपुरले स्थापना गरेको पेनसन कोषका लागि यस वर्ष पनि १० लाख रुपैयाँ विनियोजन गरेको र केही दिनमानै उक्त रकम हस्तान्तरण गर्ने तयारी भइरहेको उनले बताए । कार्यक्रममा फोटोको माध्यामबाट पत्रकारिता क्षेत्रमा योगदान पु¥याएको भन्दै २ जनालाई सम्मान गरिएको छ । 
जिल्ला बारका अध्यक्ष समेत रहेका अधिवक्ता ऋषि केवीले आफ्नो स्वर्गीय पीता रामहरी केवीको स्मृतिमा स्थापना गरिएको पत्रकारिता पुरस्कार बाट हेटौंडा ६ चौघडाका रत्नलाल मानन्धर र हेटौंडा ४ का दृष्टान्त बिडारी नगद २ हजार ५ सय रुपैयाँ सहित दोसल्ला ओढाएर सम्मान गरिएको हो । रामहरी केवी स्मृति फोटो पत्रकारिता पुरस्कार २०७८ बाट मानन्धर र विडारीलाई मेयर महत र  स्वर्गीय रामहरी केवीको बुहारी पुण्यशिला श्रेष्ठले सम्मान गरेका हुन् । 
कार्यक्रममा नेपाल पत्रकार महासंघ बागमती प्रदेशका उपाध्यक्ष रुपेश दुलाल, फोटो पत्रकार समूह बागमती प्रदेशका सल्लाहकार गिरिजा अधिकारी, नेपाल पत्रकार महासंघ मकवानपुरका अध्यक्ष मणिराज गौतम लगायतकाले मन्तव्य व्यक्त गरेका थिए