कराँतेमा लेवट डोजो विजयी

२६ भदौ, हेटौंडा । मकवानपुरको बकैया गाँउपालिकामा जिल्ला स्तरिय सितोरियो कराते प्रतियोगीता सम्पन्न भएको छ ।

बकैया गाँउपालिकाका प्रमुख दामोदर खनालले प्रतियोगिताको शुभारम्भ गरेका थिए । बकैया गाँउपालिकाका स्थानीय कराँते प्रशिक्षक नेत्रवहादुर राइको प्रयासमा सितोरीयो कराते संघ बकैयाको आयोजनामा भएको हो ।

प्रतियोगितामा लेवट डोजो हेटौँडा प्रथम तथा छतिवन सितोरियो कराते डोजो द्धितिय भएका थिए ।  २० केजितर्फ लेवटका विश्वास थापामगर प्रथम तथा छतिवन डोजोका जिवन घिसिङ द्वितिय भएका थिए । त्यस्तै २५ केजितर्फ विजय घलान लेवट तथा छतिवनका मनिष फुयाँल द्वितिय भएका थिए । त्यस्तै ३० केजीमा रिकेश मोक्तान हेटौँडा रंगशाला तथा आयुश राइ हेटौँडा द्वितिय भएका थिए ।

३५ केजी समुहमा लेवटका अनुज बल तथा छतिवनका राजेश बस्नेत, ४० केजीमा लेवटका सुरेन्द्र लिम्वु तथा प्रशान्त पाठक, ४५ केजीमा अर्पण थापामगर तथा अभिषेक वल प्रथम तथा द्वितिय भएका थिए । त्यस्तै प्रतियोगिताको महिला तर्फ २५ केजीमा छतिवन डोजोकी स्नेहा पराजुली प्रथम तथा छतिवनकै दिक्षा कार्की द्वितीय भएका थिए ।

त्यसैगरी महिलाहरुको ३० केजी तर्फ छतिवनकी निशा लामा तथा लेवटकी सलिना मगर द्वितीय भएका छन् । त्यस्तै ३५ केजिमा छतिवनकी बबीता तिमल्सीना प्रथम तथा हेटौँडा डोजोकी अनिशा मगर द्वितीय, ४० केजीमा हात्तिसुडेँकी सजि घलान तथा रगंशालाकी  एलिना पाख्रिन, त्यसैगरी ५५ केजीतर्फ लेवटकी सिृष्टी घलान तथा रगंशाला डोजोकी पुजा रुम्वा प्रथम तथा  द्वितीय हुदै स्वर्ण तथा रजत पदक  हात पारेका थिए ।

बकैया गाँउपालिका सितोरियो संघका अध्यक्ष राम थिङको सभाध्यक्षतामा भएको प्रतियोगीतामा बकैया गाउँपालिका उपप्रमुख सरला बोलखे ,वडा अध्यक्ष राजन दङ्गाल, शेरमान घलान, मध्य क्षेत्रिय खेलकुद विकास समिती उपनिर्देशक सुरेन्द्र श्रेष्ठ, कराते प्रशिक्षक विष्णुभक्त लामा डेकेन्द्रमान श्रेष्ठ लगायतको उपस्थिती थियो ।

प्रतियोगीतामा मकवानपुर जिल्लाको विभिन्न डोजोको ८० जना खेलाडिको सहभागीता थियो ।