सहकारीले उत्पादनमुखी क्षेत्रमा लगानी गर्नु पर्छः सचिव पाण्डे 

१० असोज, हेटौंडा । बागमती प्रदेशका भूमि, व्यवस्था, कृषि तथा सहकारी मन्त्रालयका सचिव डा. शरण कुमार पाण्डेले सहकारी संस्थाहरुले उत्पादनमुखी क्षेत्रमा लगानी गर्नु पर्ने बताएका छन ।
हेटौडा–२ मा रहेको नमूना प्रगति बचत तथा ऋण सहकारी संस्थाको २१ औं वार्षिक साधारणसभाको समापन समारोहलाई सम्वोधन गर्दै सचिव पाण्डेले कृषि क्षेत्रलाई विकास गर्न सके समृद्धि आउने बताए । 
नेपाल कृषि प्रधान देश भएकाले कृषि क्षेत्रमा सहकारीले लगानी बढाउनु पर्नेमा जोड दिदै सचिव पाण्डेले सहकारीको समस्या समाधान गर्न मन्त्रालय सदैव तैयार रहेको बताए । 
कार्यक्रममा संस्थाका ज्येष्ठ शेयर सदस्य रत्नमाया खड्का, रामचन्द्र धिताल, उत्कृष्ठ बाल बचतमा समता लामिछाने, बिकल्प न्यौपाने, उत्कृष्ठ बचतकर्तामा पोष प्रसाद सुवेदी र दिपा राजभण्डारीलाई पुरस्कृत गरिएको थियो । 
यसैगरी उत्कृष्ठ कारोवारीमा ईजराईलमिया अन्सारी, सिर्जना राई, उत्कृष्ठ कृषि व्यवसायीमा कृष्ण प्रसाद चौलागाँई, सक्रिय सदस्यमा विष्णु प्रसाद दाहाल, आवधिक बचतमा अनिरुद्र दाहाल, एसईईमा उत्कृष्ट अंक हासिल गर्ने सलिना धिमाल, अन्जली न्यौपाने, सुनयन चौलागाँई, प्लस टु मा उत्कृष्ट अंक हासिल गर्ने अनुप धिताल र कर्मचारीमा संस्थाकी कार्यालय सहायक कल्पना दहाललाई पनि पुुरस्कृत गरिएको थियो । 
संस्थाका अध्यक्ष मिठाराम दाहालको अध्यक्षतामा सम्पन्न भएको साधारणसभामा राष्ट्रिय सहकारी महासंघ नेपालका संचालक सदस्य नारायणप्रसाद देवकोटा, संस्थाका उपाध्यक्ष एकलाल श्रेष्ठ, सचिव रामजी सापकोटा लगायतकाले मन्तव्य व्यक्त गरेका थिए । 
आव ०७७÷०७८ सम्म संस्थामा २ हजार ५२१ जना शेयर सदस्यहरु आवद्ध रहेका छन । संस्थाको शेयर पूँजी २ करोड ६५ लाख, निक्षेप २७ करोड ७३ लाख र ऋण लगानी २३ करोड ४० लाख रहेको संस्थाका ब्यवस्थापक बद्री भण्डारीले बताए । संस्थाले आव ०७७÷०७८ मा ७० लाख ७२ हजार मुनाफा कमाउन सफल भएको छ । 
कोरोना संक्रमणका कारण साधारणसभा असोज ४ गतेदेखि शुरु भै १० गते समापन गरिएको हो ।