ईन्द्रसरोबरमा सुमो दुर्घटना: मृतक र घाइतेको पहिचान खुल्यो

३० असोज, हेटौंडा । मकवानपुरको इन्द्रसरोबर-२ मा लामिबगरमा सुमो दुर्घटना मृत्यु हुने र घाइतेहरूको पहिचान खुलेको छ । 
दुर्घटनामा मृत्यु हुनेमा सुमोमा सवार काठमाडौं महानगरपालिका-१६ गोदाबारीका ६२ बर्षीय बिष्णुलाल श्रेष्ठ र पर्सा पोखरिया नगरपालिका-७ गोबिन्दपुरका ४५ बर्षीय रामसनही राम रहेका छन् । दुबैलाई पाटन अस्पताल पुर्याएकोमा चिकित्सकले मृत घोषणा गरेको जिल्ला प्रहरी कार्यालय मकवानपुरले जनाएको छ । 
 दुर्घटनामा सुमोमा सवार काठमाण्डौ चन्द्रगिरी नगरपालिका-९ कि २४ बर्षीया सिमा अधिकारी, मनमैजु नगरपालिका-१७ का २० बर्षीया सबु श्रेष्ठ, मकवानपुर हेटौडा-१६ की ३८ बर्षीया सरस्वती पोख्रेल र ४१ बर्षीय राजकुमार तिवारी रहेका छन् । उनीहरूको स्टार अस्पतालमा उपचार भइरहेको छ । 
त्यसैगरी, सुमो चालक बारा जितपुर सिमारा-१९ का २५ बर्षीय पुरान अली, भारत घर बताउने ४० बर्षीय कमलेश पाण्डे, पर्सा बिरगंज-१८का २० बर्षीय बलिश्वर कुमार साह, काठमाण्डौं-१६ की  कमला श्रेष्ठ रहेका छन् । उनीहरूको हेटौडा अस्पतालमा उपचार भइरहेको जिल्ला प्रहरी कार्यालय मकवानपुरले जनाएको छ । 
काठमाण्डौंबाट बिरगंजतर्फ आउँदै गरेको ना १ ज ४५११ नम्बरको सुमो अनियन्त्रित भई सडकबाट अन्दाजी २०० मिटर तल खोल्सामा खसेको जिल्ला प्रहरी कार्यालय मकवानपुरका निमित्त प्रहरी प्रवक्ता प्रहरी निरीक्षक देवेन्द्र दासले बताएका छन् ।