हेटौंडामा आजबाट भाटभटेनीको शुभारम्भ

२२ मंसिर, हेटौंडा । नेपालको चर्चित चेन सुपर मार्केट भाटभटेनी सुपर मार्केटको आजबाट हेटौंडामा शुभारम्भ भएको छ । बागमती प्रदेशको राजधानी हेटौंडाको चौकी टोलमा आफ्नो २० औं स्टोरको शुभारम्भ भएको हो ।
स्टोरको भाटभटेनी सुपर मार्केटका अध्यक्ष मीनबहादुर गुरुङले शुभारम्भ गरेका छन् । अध्यक्ष तथा प्रबन्ध निर्देशक गुरुङले देशका सबै प्रदेश तथा मुख्य शहरहरुमा स्टोर विस्तार गर्ने अभिायन अन्तरगत हेटौंडामा संचालन आएको बताउँदै अन्तराष्ट्रिय स्तरको सपिङ सुविधा दिने र युवाहरुलाई रोजगारी उपलव्ध गराउने बताए । उनले स्टोरको आयबाट सामाजिक हितका काम समेत हुने जनाईएको छ ।
शुभारम्भको अवसरमा ग्रोसरी,लत्ता–कपडा लगाएत सम्पूर्ण सामानमा १० प्रतिशत र विद्युतिय सामग्रीमा २० प्रतिशत छुट उपलब्ध रहेको भाटभटेनी सुपर मार्केटका बजार व्यवस्थापक विनोद भट्टराईले बताए ।
साढे १४ कट्ठामा क्षेत्रफल रहेको स्टोरमा कुल क्षेत्रफल १ लाख ३४ हजार वर्गफिटका २ वटा बेसमेन्टसहित ८ तले भवन रहेको र दुबै बेसमेण्टमा पार्किङको व्यवस्था रहेको सुपर मार्केटका चिफ अपरेटिङ अफिसर पानु पौडेलले बताए ।
भाटभटेनीमा केएफसीको तेह्रौं शाखा
अन्तराष्ट्रिय फुड चेन ब्रान्ड केएफसीको शाखा भाटभटेनी हेटौंडामा शुभारम्भ भएको छ । केएफसीको यो नेपालमा १३ औं शाखा हो । यस आउटलेटमा केएफसीका बिभिन्न चिकेन परिकारसंगै बर्गर र अन्य परिकारको आनन्द लिन सकिनेछ । केएफसीले आफ्ना ग्राहकका लागि विभिन्न स्वादिष्ट परिकारहरुहरु उपलब्ध गराउँदै कोभिड १९ को रोकथामका लागि स्वास्थ्य सुरक्षा नीति समेत अवलम्बन गरको छ । १८८० वर्ग फिटमा खोलिएको रेष्टुरेन्टले एक पटकमा ४४ जना ग्राहकहरुले सेवा लिन सक्नेछन् । केएफसी हाल विहान ९ बजेबाट बेलुकी ८ः३० बजे सम्म डाइन–इन र टेक अवे मार्फत सेवा दिइरहेको छ ।