चेतनशिल दुग्ध सहकारीको भेला सम्पन्न

२५ मंसिर, हेटौडा । हेटौडा–१७ चिसापानीमा रहेको चेतनशिल दुग्ध उत्पादक सहकारी संस्थाको २५ औं वार्षिक साधारणसभा शनिवर सम्पन्न भएको छ ।
साधारणसभामा संस्थाका अध्यक्ष महेश बजगाईले संस्थागत प्रतिवेदन, लेखा सुपरिवेक्षण समितिका संयोजक रंगनाथ अधिकारीले लेखा समितिको प्रतिवेदन, सामान खरिद उपसमितिका संयोजक रामप्रसाद तिमल्सिनाले सामान खरिद उपसमितिको प्रतिवेदन, पशुधन उपसमितिका संयोजक धन बहादुर कार्कीले पशुधन उपसमितिको प्रतिवेदन प्रस्तुत गरेका थिए ।
साधारणसभामा ज्येष्ठ शेयर सदस्य, बढी दूध विक्री गर्ने, बढी सामान खरीद गर्ने, संस्थापक शेयर सदस्य, असल बचतकर्ता, असली कारोवारी, उत्कृष्ठ विद्यार्थी, बैठकमा बढी दिन उपस्थित हुने संचालक र उत्कृष्ठ कर्मचारी लगायतलाई सम्मान गरिएको थियो ।
हेटौडा–१७ का वडा अध्यक्ष भैरब बहादुर राईको प्रमुख आतिथ्यतामा सम्पन्न भएको साधारणसभामा हेटौडा–१६ का वडा अध्यक्ष रामकृष्ण कोइराला, हेटौैडा उमनपाका कार्यपालिका सदस्य कृष्ण राई, संस्थाका पूर्वअध्यक्ष कृष्ण प्रसाद सापकोटा, रोटरी क्लव अफ हेटौडाका अध्यक्ष राम प्रसाद घोरसैनी, संस्थाका कानूनी सल्लाहकार मदन कुमार दाहाल, शुभकामना सहकारीकी अध्यक्ष शान्ता गौतम, नारायणी दुग्ध उत्पादक सहकारीका उपाध्यक्ष ईन्द्र प्रसाद खतिवडा, संस्थाद्वारा गठित बचत उपसमितिका सचिव विष्णुमान श्रेष्ठ लगायताले मन्तब्य व्यक्त गरेका थिए ।
 ७ सय ८३ जना शेयर सदस्य रहेको सहकारीले आव ०७७/०७८ मा ११ करोडको कारोवार गरेको व्यवस्थापक दीपक ढकालले बताए ।