युवालाई स्वदेशमै रोजगारी दिने उद्योग सञ्चालन गरौंः अध्यक्ष मल्ल 

८ मंसिर, हेटौंडा । नेपाल चेम्बर अफ कमर्शका केन्द्रीय अध्यक्ष राजेन्द्र मल्लले नेपालको आर्थिक अवस्था उकास्न स्थानीय कच्चा पदार्थको प्रयोग हुने गरी स्वदेशमै युवालाई रोजगारी दिने खालका उद्योग तथा कृषि कार्य गर्न सुझाव दिएका छन् ।
बुधबार चेम्बर्स अफ कमर्श मकवानपुर शाखाले आयोजना गरेको ब्यवसायी भेटघाट कार्यक्रमलाई सम्बोधन गर्दै केन्द्रीय अध्यक्ष मल्लले यस्तो सुझाव दिएका हुन् ।
अध्यक्ष मल्लले हाल देशभरमा संस्थाको ७० वटा शाखा गठन भईसकेको र शाखाहरुलाई थप बलियो बनाउन विभिन्न समूह बनाएर काम गर्नुपर्ने बताए ।
मकवानपुर चेम्बर अफ कमर्शको जिल्ला अधिवेशनको पुर्व सन्ध्यामा भएको ब्यवसायी भेटघाट कार्यक्रम जिल्ला अध्यक्ष बिजयकुमार श्रेष्ठको सभाध्यक्षता रहेको थियो ।
कार्यक्रममा नेपाल चेम्बर अफ कमर्शका केन्द्रीय सदस्य तथा वाणिज्य सभापति निरज राई, बागमती प्रदेश अध्यक्ष सिद्धिलाल श्रेष्ठ, चेम्बर अफ कमर्श प्रदेश २ का उपाध्यक्ष सीता के.सी लगाएतले नेपाल सरकारले ब्यवसायीलाई मित्रवत् ब्यवहार गर्नुपर्नेमा जोड दिएका थिए ।
भेलामा मकवानपुरका महासचिव रबिन्द्र घिमिरेले आगामी जिल्ला अधिवेशनका लागि आवश्यक तयारी भईरहेको जानकारी गराए । यस्तै आगामी साधारण सभामा मकवानपुरका अधिकांश ब्यापारीलाई आमन्त्रण गरिने उपाध्यक्ष कविन सांगामीले बताए ।