दुधको मूल्य माघबाट बढ्ने: अध्यक्ष देवकोटा

फोटो:भिमसेन पौडेल

२० पुस,हेटौडा । केन्द्रीय दुग्ध उत्पादक सहकारी संघका केन्द्रीय अध्यक्ष नारायणप्रसाद देवकोटाले आगामी माघ महिनादेखि दूधको मूल्य बढ्ने बताएका छन । 

मंगलबार बिहान हेटौंडा–६ चौघडामा रहेको बंशगोपाल दुग्ध उत्पादक सहकारी संस्थाको ३० औं वार्षिक साधारणसभालाई सम्बोधन गर्दै अध्यक्ष देवकोटाले लागत अनुसार दूधको मूल्य न्युन भएका कारण दूधको मूल्य बढ्ने बताएका हुन। अध्यक्ष देवकोटाले दुग्ध उत्पादक सहकारी संस्थाहरुले उत्पादन बढाउदै रोजगारी सिर्जना गर्नु पर्नेमा जोड दिएका थिएका छन।  उनले नेपालका दुग्ध उत्पादक किसानहरुले दैनिक ४ लाख ५० हजार लिटर दूध उत्पादन गर्नुको साथै दैनिक ५ करोडको कारोवार दुग्ध व्यवसायमा हुने गरेको बताए। 

साधारणसभामा संस्थाका अध्यक्ष श्यामप्रसाद न्यौपानेले संस्थागत प्रतिवेदन, लेखा सुपरिवेक्षण समितिका संयोजक जयराम घिमिरेले लेखा समितिको प्रतिवेदन र कृषक हितकोषका संयोजक रामहरि चौलागाईले कृषक हितकोषको प्रतिवेदन पेश गरेका थिए।साधारणसभामा उत्कृष्ट कर्मचारीमा व्यवस्थापक लक्ष्मण सापकोटा, कार्यालय सहायक बलराम सञ्जेल, रामकृष्ण दुलाल, बढी दूध र पशु आहार खरिद गर्ने बासुदेव अधिकारी, हिमलाल अर्याल, केदारनाथ दाहाल, जीवकुमारी धिताल, विमला गौतम, केशव धिताललाई पुरस्कृत गरिएको थियो । त्यसैगरि गुणस्तरीय दूध विक्री गर्ने रामप्रसाद गौतम,गोठ सफा राख्ने तारानाथ ढकाल,भाडा सफा राख्ने रामप्रसाद राई, नियमित बचत गर्ने रामकुमारी देवकोटा र असली कारोवारीमा बिमला दाहाललाई पुरस्कृत गरिएको थियो ।

संस्थाका अध्यक्ष श्यामप्रसाद न्यौपानेको सभाध्यक्षतामा भएको साधारणसभामा हेटौडा–६ का वडा अध्यक्ष अर्जुनप्रसाद चौलागाई, जिल्ला दुग्ध उत्पादक सहकारी संघ, मकवानपुरका अध्यक्ष बासुदेव अधिकारी, संस्थाका सल्लाहकार साधुराम चौलागाई, बासुदेव सापकोटा, बालकृष्ण चौलागाई, जनकल्याण बचत तथा ऋण सहकारी संस्थाका अध्यक्ष हिमाल पौडेल,रानी सामुदायिक वनका अध्यक्ष विष्णुप्रसाद न्यौपाने, संस्थाका उपाध्यक्ष केशव धिताल लगायतको उपस्थिति रहेको थियो । संस्थामा ३ सय २८ जना शेयर सदस्यहरु रहेका छन।