बागमती प्रदेशमा युरिया मल कारखाना स्थापनाको लागी अध्ययन हुने 

८ असार, हेटौंडा । बागमती प्रदेशमा युरिया मल कारखाना स्थापनका लागी सम्भाव्यता अध्यय्न गरिने भएको छ ।
बुधबार हेटौंडामा कृषि तथा पशुपन्छी बिकास मन्त्रालय, बागमती प्रदेश र काठमाडौ बिश्वबिद्यालय, काभ्रेपलान्चोकबीच युरिया मल उत्पादन सम्बन्धी सम्भाव्यता अध्यन र बिस्तृत परियोजना तयारीका लागि समझदारी पत्रमा हस्ताक्षर भएको हो ।
सम्झौता पत्रमा कृषि तथा पशुपन्छी विकास मन्त्रालयका मन्त्री बसुन्धरा हुमागाई र काठमाडौं विश्व विद्यालयका उपकुलपति प्रा.डा. भोला थापाले हस्ताक्षर गरेका छन् । सम्झौता पत्रमा हस्ताक्षर पछि बोल्दै मन्त्री हुँमागाईले ६ महिना भित्र अध्ययन सकिने र त्यसपछि मल कारखाना स्थापनाको आवश्यक कार्य अघि बढाइने दावी गरे । 
उनले मल कारखाना सञ्चालन गर्न सके प्रतिवर्ष २ लाख मेट्रिटन मल उत्पादन हुने र कारखाना निर्माणका लागी ६० देखी ७० अर्ब लाग्ने अनुमान गरिएको बताए र
यस्तै विश्वविद्यालयका उपकुलपति प्रा.डा भोला थापाले मल कारखाना स्थापनाका लागी विस्तृत परियोजना प्रतिवेदन महत्वपूर्ण हुने उल्लेख गर्दै प्रतिवेदन कार्यन्वयनमा सरकार लाग्ने विश्वास व्यक्त गरे । 
सम्झौता पत्र हस्ताक्षर कार्यक्रममा मन्त्रालयका सचिव डा. शरणकुमार पाण्डे, विश्वविद्यालयका डिन प्रा.डा. बालचन्द्र लुईटेल लगाएतको उपस्थिति रहेको थियो ।