नेपालको वैदेशिक व्यापार घाटा २३ प्रतिशतले बढ्यो 

google

१० साउन, हेटौंडा । नेपालको वैदेशिक व्यापार घाटा २३ प्रतिशतले बढेको छ । गत आर्थिक वर्ष २०७८÷७९ मा  नेपालको वैदेशिक व्यापार घाटा २३ प्रतिशतले बढेको हो । 
भन्सार विभागका अनुसार २०७८ साउनदेखि २०७९ असार मसान्तसम्म नेपालको कूल वैदेशिक व्यापारको आकार २१ खर्ब २० अर्ब ४७करोड रुपैयाँ पुगेको छ । जुन अघिल्लोअघिल्लो आर्थिक वर्ष २०७७÷७८ तुलनामा २६ दशमलव १५ प्रतिशतले बढी हो । 
आर्थिक वर्ष २०७७÷७८मा भने वैदेशिक व्यापारको आकार १६ खर्ब ८० अर्ब ९६ करोड रुपैयाँ बराबरको मात्र रहेको थियो । वैदेशिक व्यापारमा निर्यातको हिस्सा भन्दा आयातको हिस्सा ९० दशमलव ५७ प्रतिशतले बढी रहेको भन्सार विभागका निर्दशक तथा प्रवक्ता आनन्द काफ्लेले जानकारी दिए । 
तर, गत वर्षको तुलनामा वैदेशिक व्यापारमा आयातको हिस्सा भने १ दशमलव १३ प्रतिशत घटेको विभागको तथ्याङ्कले देखाएको थियो । यस्तैयस वर्ष नेपालको निर्यात व्यापार पनि४१ दशमलव ७४ प्रतिशत बढेको छ । 
अघिल्लो आर्थिक वर्ष २०७७÷७८ मा १ खर्ब ४१ अर्ब रुपैयाँको निर्यात गरेको नेपालले आर्थिक वर्ष २०७८÷७९ मा भने निर्यातमा नयाँ कीर्तिमान कायम राख्दै २ खर्ब ३ करोड रुपैयाँको निर्यात गरेको छ । नेपालबाट सबैभन्दा बढी वनस्पति तेल निर्यात हुने गरेको छ ।