आगामी माघमा हेटौंडामा औद्योगिक व्यापार मेला हुने

७ पुस,हेटौंडा। मकवानपुर उद्योग वाणिज्य संघको आयोजना आगामी माघमा हेटौंडामा  राष्ट्रिय औद्योगिक व्यापार मेला हुने भएको छ।मकवानपुर उद्योगवाणिज्य संघले बुधबार पत्रकार सम्मेलनको आयोजना गर्दै  संघको आयोजनामा आउँदो माघ ११ गतेबाट २३ गते सम्म महोत्सव हुने  जनाएको हो ।

हेटौंडा –१० स्थित टिसिएन चौरमा १३ दिन सम्म महोत्सव चल्ने  संघका अध्यक्ष कृष्णकुमार गुप्ताले बताएका छन् । देशको आर्थिक विकासमा टेवा पु¥याउने उद्देश्यले १० औं राष्ट्रिय औद्योगिक व्यापार महोत्सव आयोजना गरिन लागिएको गुप्ताले बताए । महोत्सवमा ३ सय स्टलहरु रहने र २ लाख भन्दा बढी दर्शकहरुले अवलोकन गरिने अनुमान गरिएको जनाइएको छ । महोत्सवमा स्थानीय तथा राष्ट्रिय उत्पादन तथा सेवाहरुको बृहत व्यापार मेला, सूचना प्रविधि, हस्तकला प्रर्दशनी, कृषि उत्पादनको प्रदर्शनी, क्रेता विक्रेता अन्तरक्रिया कार्यक्रम, स्थानीय तथा राष्ट्रियस्तरका कलाकारहरुद्वारा साँस्कृतिक कार्यक्रम, राष्ट्रियस्तरका व्यावसायिक गोष्ठी तथा सेमिनार, शैक्षिक, घरजग्गा, अटो, खाना तथा साँस्कृतिक मेला, पर्यटन प्रवद्र्धनका विविध कार्यक्रमहरु, बाल उद्यानको व्यवस्था, राष्ट्रिय स्तरका उद्योगहरुको उत्पादन प्रर्दशनीहरु हुने पत्रकार सम्मेलनमा जनाइएको छ। कोभिडका कारण हेटौंडाका हुदै आएको औद्योगिक मेला विगत ३ बर्ष यता हुन सकेको थिएन।