राक्सिराङ गाउँपालिकाको पत्रकार देखी एक दर्जन बढीलाई सम्मान

 २९ पुस,हेटौंडा। राक्सिराङ गाउँपालिकाले पत्रकार देखी कृषक, टोल विकस संस्था ,शिक्षक र महिला उद्यमी,कर्मचारी सम्मलाई सम्मान गरेको छ।गाउँपालिकाले शुक्रबार सम्पन्न १३ औ हिउँदे अधिवेशनमा पत्रकार देखी कृषक, टोल विकस संस्था ,शिक्षक र महिला उद्यमी सम्मलाई सम्मान गरेको हो।

गाउँपालिकाले गाउँपालिकाको गतिविधि र सम्रग जनोसरोकारको कुरामा सञ्चार माध्यम मार्फत राक्सिराङको पहिचान गराउन सहयोग पुयाएको भन्दै ग्यालेक्सी फोर के टेलिभिजनका बागमती ब्यूरो प्रमुख देवराज पन्त र थाहा संचारकी पत्रकार सृजना नेपाललाई नगद सहित प्रशंसापत्र र खादाले सम्मान गरेको हो। 

त्यसैगरी गाउँपालिकाले शिक्षक तर्फ- कालिका मावि खैराङ्ग शिक्षक विश्व लामा  र विद्यालय तर्फ सूर्योदय मा विद्यालय सिरखेतलाई सम्मान गरेको हो। 

त्यसैगरी गाउँपालिकाले सञ्चालन गरेको पालिका स्तरीय परीक्षामा उत्कृष्ट हुने  कालिका माविका छात्र सन्तोष घलान र सूर्योदय माविकी छात्रा  सुप्रिया सुवेदीलाई सम्मान गरिएको हो। 

त्यसैगरी उत्कृष्ट गैरसरकारी संस्था तर्फ सम्मुनत नेपाल , राक्सिराङ बहुउद्धेश्यीय सहकारी संस्था लिमिटेड म,कुडुले महिला कृषी सहकारी संस्था,सदाफ कृषि अरगेनिक फार्म,महिला उद्मी सरिता स्याङ्बो, सिलिङ्गे सामुदायिक वन उपभोक्ता समूह ,समृद्धिका लागि एकता टोल विकास संस्था न्यायिक समिति तर्फ उत्कृष्ट मेलमिलाप केन्द्रमा वडा नम्बर-३का दुईजना मेलमिलाप कर्तालाई  प्रशंसापत्रसहित सम्मान गरेको हो।त्यसैगरी गाउँपालिकाले उत्कृष्ठ कार्य गर्ने विभिन्न विधाका कर्मचारीलाई पनि सम्मान गरेको छ। 

स्वास्थ्यकर्मी तर्फ अहेव गणेश कुमार मोक्तान, महिला स्वास्थ्य स्वयंसेविकामा विष्णु माया नगरकोटी,वडा सचिव तर्फ वडा नम्बर-३ का वडा सचिव दशरथ गुरागाई,उत्कृष्ठ कर्मचारीमा पालिकाको शिक्षा शाखामा कार्यरत पासाङ लामा बल र वडा नम्बर-५ का कार्यालय सहयोगी तीर्थ मोक्तानलाई पनि सम्मान गरिएको छ।

सम्मानित हुने सबैलाई कार्यक्रममा प्रमुख अतिथी संघीय संसाद महेश कुमार बर्तौला, विशिष्ट अतिथी बागमती प्रदेशका निवर्तमान भौतिक पूर्वाधार तथा विकास राज्यमन्त्री सन्त बहादुर चेपाङ र गाउँपालिका अध्यक्ष राजकुमार मल्ले संयुक्त रुपमा सम्मान गरेका थिए। 

गाउँपालिकाको विकास र गाउँपालिकालाई चिनाउन सहयोग गर्ने,उत्कृष्ट  कार्य सम्पादन गरी कार्यालयलाई जनशेवामुखी बनाउने कर्मचारी सहित सबैलाई प्रोत्साहन स्वरुप सम्मान गरेको गाउँपालिकाका प्रमुख प्रशासकीय अधिकृत देवचन्द्र गडतौलाले बताए।