मनकारी डिना

१३ मंसिर,हेटौडा।नेपाली काँग्रेसकी केन्द्रीय सदस्य एवं मकवानपुर क्षेत्र नम्बर २ को प्रतिनिधिसभा सदस्य उम्मेदवार महालक्ष्मी उपाध्याय डीनाले एक सुत्केरी महिलालाई आर्थिक सहयोग गरेकि छिन।

हेटौँडा उपमहानगरपालिका १९ बासघारीकी सपना बललाई आर्थिक सहयोग गरेकि हुन।उपमहानगरपालिका भएरपनि विकट रहेको बासपानीकी गर्भवति सपना सुत्केरी हुन नसकेको भनेर स्थानीयले आग्रह गरेपछि उपाध्यायले हेटौँडा अस्पतालसम्म ल्याउन सवारी साधनको व्यवस्था गरिदिनु भएको थियो । अस्पतालमा पूर्व सांसदको सहयोगमा समयमानै सपनालाई ल्याउन सफल भएपछि सामान्यरुपमा सुत्केरी भएको बताउँदै आफन्त विमानसिं ब्लोनले गाउँमा सुत्केरी गराउनु परेको भए आमा र बच्चा दुबैको अवस्था जोखिमपूर्ण हुने बताई। 

सामान्य आर्थिक अवस्था भएका सपनालाई सुत्केरी खर्चका लागि पाँचसहजार रुपियाँ नगद समेत उपाध्यायले प्रदान गर्नु भएको छ । सपना र छोराको अवस्था हाल सामान्य भएपछि अस्पतालबाट फर्किएको परिवारजनले जनाएका छन् । प्रतिनिधिसभा सदस्य उम्मेदवार उपाध्यायले चुनावी अभियानका क्रममा हरेक गाउँपालिकामा गर्भवति महिलाको सुविधाका लागि एम्बुलेन्स ब्यवस्था गर्ने प्रतिबद्धता ब्यक्त गर्नु भएको छ । उपाध्यायले गाउँघरमा सुत्केरी गराउन जोखिममा रहेका महिलाहरुलाई निःशुल्करुपमा एम्बुलेन्सको व्यवस्था गर्ने बताउनुभयो ।