हेटौडा वडा नम्बर १ द्वारा महिलालाइ पञ्जेबाजा तालिम

१६ बैशाख, हेटौंडा । हेटौंडा उपमहानगरपालिका वडा नम्बर एक वडा कार्यलयले महिलाहरुलाई पञ्चेबाजा बजाउने  तालिमको सुरुवात गरेको छ । 

हेटौंडा वडा नम्बर १ को कार्यालयले  लोप हुन लागेको बाजाको संरक्षणर प्रबद्र्धन गर्ने उदेश्यका साथ पञ्चेबाजा बजाउने तालिमको सुरुवात गरिएको  वडा अध्यक्ष सविन न्यौपानेले बताएका छन्। 
पञ्चेबाजा बजाउने तालिमको हेटौडाकी मेयर  मिना कुमारी लीमाले शुक्रबार उद्घाटन गरेकि छिन्।उद्घाटनका क्रममा नगर प्रमुख लामाले पञ्चेबाजा लोप हुने अवस्थामा रहेकाले संस्कृतिलाई संरक्षण गर्नुपर्ने बताइन् ।
उनले पञ्चेबाजा सिकेपछि महिलाहरुको आर्थिक आयआर्जनमा पनि सहयोग पुग्ने उनले बताइन् ।  वडाका २५ जना महिलालाई सहभागी गराएर पञ्चेबाजा तालिम सुरु गरिएको हो । 
परम्परागत रुपमा पञ्चेबाजा बजाउने समुदायको संख्या घट्दै गएको छ । युवापुस्ताहरु विदेशिने क्रम बढेको र पञ्चेबाजातर्फ युवापुस्ताको आकर्षण कम देखिएकाले महिलाहरुलाई बाजा बजाउन सिकाएर पञ्चेबाजा संरक्षण अभियानमा जोड्ने अभियान १ नम्बर वडाले लिएको हो । पछिल्लो समय आयातित बाजाले परम्परागत बाजा लोप हुने खतरामा पुगेको छ । ४५ दिनसम्म चल्ने तालिममा कालिटार नौमती बाजा समूहले २५ जना महिलाहरुलाई दैनिक २ घण्टाको दरले प्रशिक्षण दिनेछ । तालिमको लागि वडा कार्यालयले एकलाख ७० हजार रुपियाँ खर्चेको वडा सचिव शान्ता लौडारीले जानकारी दिइन् ।