बिहीबारबाट हेटौंडामा स्वदेशी मार्ट सञ्चालनमा आउने

२८ बैशाख, हेटौंडा । बागमती प्रदेशको राजधानी हेटौंडामा बिहीबारबाट जमादार ग्रुपको परियोजना ‘स्वदेशी सुपरमार्केट’ सञ्चालनमा आउने भएको छ । हेटौंडा २ स्थित कान्तिराजपथ जमादार टे«डिङको भित्र स्वदेशी सुपरमार्केट सञ्चालनमा ल्याउन लागिएको हो । 
मकवानपुर उद्योग वाणिजय संघका अध्यक्ष कृष्णकुमार अग्रवालका छोरा अमित अग्रवालले सञ्चालनमा ल्याउन लागेको सुपरमार्केटको सम्पूर्ण तयारी पूरा भएको पत्रकार सम्मेलनमार्फत जानकारी दिइएको छ । सुपरमार्केटको आज बिहीबार प्रतिनिधिसभा सदस्य, नेपाली कांग्रेसका नेतृ डा. आरजु राणा देउवाले उद्घाटन गर्ने कार्यक्रम रहेको छ । 
उद्घाटन समारोहमा कलाकार वर्षा शिवाकोटी, केकी अधिकारी, हास्य कलाकार जितु नेपाल र मिस नेपाल २०१० सदिक्षा श्रेष्ठको सहभागिता रहने सञ्चालक अमित अग्रवालले जानकारी दिए । करिब २ करोडको लगानी रहेको सुपरमार्केटमा स्वदेशी सामग्री मात्र पाईन उनले बताए ।
‘स्वदेशी उत्पादनलाई प्रवद्र्धन गर्ने र स्थानीय उत्पादनलाई समर्थन गर्ने हाम्रो लक्ष्य हो’, सुपरमार्केटका निर्देशक अग्रवालले भने, ‘सुपरमार्केटमा खाद्यवस्तुदेखि कपडा, घरको सजावट र व्यक्तिगत हेरचाहको सामग्रीहरु सुपथ मूल्यमा पाउन सकिनेछ ।’ नेपाली उत्पादन र प्याक गरिएका उत्पादनको प्रवद्र्धनले थप आत्मनिर्भर र दिगो अर्थतन्त्र निर्माणमा सघाउ पु¥याउँने सञ्चलक अग्रवालल बताए ।
उद्घाटनकै समयमा घोषणा हुने ट्रष्टमा सुपरमार्केटबाट आउँने नाफाको निश्चित प्रतिशत ट्रष्टलाई प्रदान गरिने बताइएको छ । मकवानपुर उद्योग वाणिज्य संघका अध्यक्ष कृष्णकुमार अग्रवालले ५ वर्ष अमेरिका बसेर आएको आफ्नो छोराले हेटौंडामै सुपरमार्केट सञ्चालन गर्न लागेकोमा खुसी व्यक्त गरे ।