चपसंघ मकवानपुरले घिमिरे, अधिकारी र ईकुलाई सम्मान गर्ने

३१ बैशाख, हेटौंडा । चलचित्र पत्रकार संघ नेपाल मकवानपुर शाखाले चलचित्र पत्रकारिता दिवसरको अवसरमा तीनजनालाई पुरस्कृत एवं सम्मान गर्ने भएको छ ।
जेष्ठ ७ गते पर्ने चलचित्र पत्रकारिता दिवसको अवसरमा राष्ट्रिय चलचित्र पत्रकारिता पुरस्कार–२०८० बाट बरिष्ठ पत्रकार राजन घिमिरे, चलचित्र पत्रकारिता पुरस्कार–२०८० बाट पोष्टराज अधिकारी कुमार र कलाकर्मी सम्मान–२०८० बाट कलाकार सुलेमान शंकर ईकुलाई पुरस्कृत गर्ने भएको हो ।
चलचित्र पत्रकार संघ नेपाल मकवानपुर शाखाको शनिबार बसेको कार्यसमिति बैठकले घिमिरेलाई नगद १० हजार सहित सम्मानपत्रको राष्ट्रिय चलचित्र पत्रकारिता पुरस्कार प्रदान गर्ने निर्णय गरेको संघका अध्यक्ष कपिल खड्काले जानकारी दिए । 
घिमिरे चलचित्र पत्रकार संघका संस्थापक कार्यसमित सदस्य समेत हुन् भने उनि करीब तिन दशक देखी पत्रकारीता क्षेत्रमा क्रियाशिल रहेका छन् ।
यस्तै सघले यो बर्षको चलचित्र पत्रकारिता पुरस्कार–२०८० बाट चलचित्र पत्रकार संघ मकवानपुरका संस्थापक अध्यक्ष पोष्टराज अधिकारी कुमारलाई प्रदान गर्ने भएको छ । अधिकारीलाई नगद ५ हजार सहित सम्मानपत्र प्रदान गरीनेछ । 
उक्त अबसरमा मकवानपुरमा जन्मभई राष्ट्रिय कलाकारितामा जम्न सफल कलाकारहरुलाई सम्मान स्वरुप हरेक वर्ष प्रदान गर्दै आएको चलचित्रकर्मी सम्मानबाट यो वर्ष कलाकर्मी सम्मान–२०८० बाट कलाकार सुलेमान शंकर ईकुलाई प्रदान गर्न लागिएको अध्यक्ष खड्काले बताए ।