गुणस्तरीय समानको बजारीकरण उपमहानगरले गर्ने

१६ जेठ, हेटौंडा । हेटौंडा उपमहानगरपालिकाका नगरप्रमुख मीनाकुमारी लामाले महिला उदामिले उत्पादन गरेको गुणस्तरीय सामानको बजारीकरणमा उपमहानगरले सहयोग गर्ने बताएकी छन् ।
चालु अर्थिक बर्ष २०७९÷०८० मा नगरका बिभिन्न वडाहरुमा उपमहानगरको आर्थिक सहयोगमा सञ्चालन भएको महिला उद्यमि बिकास तालिमबाट प्रशिक्षितहरु सहभागि उद्यमशिलता अभिमुखिकरण एवम् अन्तरक्रिया कार्यक्रमलाई संबोधन गर्दै नगर प्रमुख लामाले दिगो आर्यआर्जनका लागि साना लगानीमा उत्पादन भएका गुणस्तरीय सामानको बजारीकरणका लागि चिन्ता नलिन आग्रह गरीन् । 
उपमहानगरले बिषेश गरी महिलाहरुलाई आफ्नै चिनारी बनाउँनका लागि टोल टोलमा पुगेर बिभिन्न तालिम दिइरहेकोब उनले बताइन् । अरुले चिनाउँने होइन, आफै चिनिने वातबरण बनाउन उद्यममा लाग्नुपर्ने उनको भनाई थियो । उनले सिकेको सिपलाई व्यवहारमा उर्तार्दै काम गर्दै जान आग्रह गरीन् । 
गाउँमा उत्पादन भएको सामानको बजारीकरणका लागि उपमहानगरले हेटौंडामा कोशेली घर सञ्चालन गरेको भन्दै त्यही बाट पनि आफ्नो उत्पादन बिक्री गर्न सकिने नगरप्रमुख लामाले बताइन् । अन्तरक्रिया कार्यक्रममा व्यवसायमा रहेका महिलाहरुले आफ्नो व्यवसायमा रहेका समस्याको बारेमा बताएका थिए । 
हेटौंडा उपमहानगरपालिकाको आर्थिक सहयोग तथा जालपादेवी महिला उद्यमी केन्द्रको आयोजनामा भएको कार्यक्रममा  हेटौंडा ११ का अध्यक्ष जुना दाहाल, हेटौंडा उपमहानगरपालिका सहकारी तथा उद्योग शाखाका प्रमुख हिमप्रसाद पौडेल लगाएतकाले मन्तव्य राखेका थिए । कार्यक्रम उद्यमी केन्द्रका अध्यक्ष गिता मैनालीको अध्यक्षतामा भएको थियो ।