हास्यव्यङ्यकार रिजाल सम्मानित 

२८ जेठ, हेटौंडा । डा.गणेशकुमार पौडेल स्मृति हास्यव्यङ्ग्य सम्मान २०८० बाट मकवानपुरे हास्यव्यङ्ग्यकार आरसी रिजाल सम्मानित भएका छन् । सिस्नुपानी नेपाल मकवानपुरले शनिबार आयोजना गरेको स्मृति ग्रन्ध लोकार्पण, सम्मान तथा रचना वाचन कार्यक्रममा रिजाललाई नगद २५ हजार १ राशी सहित सम्मान गरिएको हो ।
सिस्नुपानी नेपाल मकवानपुरका पूर्व अध्यक्ष तथा सल्लाहकार डा.गणेशकुमार पौडेलको पुण्यतिथिमा पौडेलका परिवारले स्थापना गरेको उक्त सम्मान रिजाललाई प्रदान गरिएको हो । 
यसैविच सम्मानबाट प्राप्त नगद २५ हजार रुपैयाँमा व्यक्तिगत २५ हजार थपेर रिजालले अक्षयकोषलाई नै प्रदान गरेका छन् । उनले नगद ५० हजार रुपैयाँ सिस्नुपानी नेपाल मकवानपुरका कोषाध्यक्ष शुभद्रा हुमागाईलाई हस्तान्तरण गरेका हुन् । 
यस्तै शनिवार नै सिस्नुपानी नेपाल मकवानपुरद्वारा प्रकाशित सिर्जना र सम्झनामा डा.गणेशकुमार पोडेल किताब लोकार्पण पनि गरिएको छ । सिस्नुपानीका अध्यक्ष राजकुमार लामिछानेको अध्यक्षतामा भएको कार्यक्रममा व्यङ्ग्यकार नरनाथ लुइटेलको प्रमुख आतिथ्यता रहेको थियो । 
कार्यक्रममा सहभागी अतिथिहरुले पौडेलको तस्विरमा माल्यार्पण गरेका थिए । कार्यक्रममा कवि पुरुषोत्तम आचार्य, सबिता तिमल्सिना पौडेल, ओम भण्डारी, माधव भण्डारी ‘रश्मी’, सुवास सजल, प्रसन्न अर्याल, डीवि बर्तौला, स्वस्तिका दाहाल लगायतले रचना वाचन गरेका थिए ।