हेटौंडामा ठुलो परिणाममा अवैध कपडा सहित ४ जना पक्राउ

२ असार, हेटौंडा । हेटौंडाबाट अवैध कपड़ा सहित ४ जना पक्राउ परेका छन्। शुक्रवार राति हेटौंडा- १५, रातोमाटे चेकपोष्टबाट प्रहरीले  ३ लाख ५० हजार रुपैयाँ बराबरको अबैध कपडा र सामानसहित चार जनालाई नियन्त्रणमा लिएको जनाइएको छ । 

शुक्रबार काँकडभिट्टाबाट काठमाडौंतर्फ जाँदै गरेको बा ०३–००१ ख २३१४ नम्बरको बसमा चेकजाँच गर्दा बसबाट ९० पिस प्रतिपिस १ किलाग्रामको अमुल बटर ३० पिस, प्रतिपिस ५०० ग्रामको र अमुल फ्रेस क्रिम ७ काटुन प्रत्येक काटुनमा १२ पिस तौल नखुलेको अबैध सामान बरामद भएको प्रहरीले जनाएको छ।त्यसैगरी प्रहरीले हेटौंडा–१५,रातोमाटे चेकपोष्टबाट चुरियामाईबाट हेटौंडातर्फ आउँदै गरेको ना २ ह २९१० नम्बरको अटोलाई चेकजाँच गर्दा हाफ टिसर्ट ४२ पिस, कटन पेन्टी ३० पिस, फुल सर्ट २८ पिस, साडी १२४ पिस गरी १ लाख ९० हजार रुपैयाँ बराबरको अबैध कपडा बरामद गरेको प्रहरीले जनाएको छ।प्रहरीले उक्त कपडा सहित  पर्साको वीरगंज महानगरपालिका–८ का २८ वर्षीय सुनिल महरा र १८ वर्षीय धर्मेन्द्र पटेललाई नियन्त्रणमा लिएको छ । 
त्यसैगरी शुक्रबार नै हेटौंडा–१५, रातोमाटेस्थित चेकपोष्टबाट प्रहरीले  बाराको ईतिहाई गाउँपालिका–५ की ३० वर्षीया सगुन नेस र हेटौंडा–८, कमाने बस्ने ५९ वर्षीय साबित्री खड्कालाई ५० हजार बराबरको अबैध कपडासहित  नियन्त्रणमा लिएको छ । 

उनीहरुलाई चेकजाँचका क्रममा भन्सार छली ल्याएको ५ थान लेडिज कपडाको सुरुवाल र ७ थान जेन्सको कपडाको पाईन्ट फेला सहित नियन्त्रणमा लिएको जनाएको छ ।पक्राउ परेका सबैजना माथी आवश्यक अनुसन्धान भइरहेको जनाइएको छ ।अबैध कपडा र उनीहरुलाई नियन्त्रणमा लिई आवश्यक अनुसन्धान गरिरहेको प्रदेश प्रहरी कार्यालय हेटौंडाले जनाएको छ ।