मकवानपुरका राजमार्ग संचालनमै, डोजर तयारीमा राखेका छौः मकवानपुर प्रशासन 

१६ असार, हेटौँडा ।  शुक्रबारबाट देशको सबै स्थानमा मनसुन सक्रिय रहेको छ । शुक्रबारबाट परेको निरन्तरको बर्षाले देशका विभिन्न स्थानमा राजमार्ग र सडकखण्ड अवरुद्ध रहेपनि बागमती प्रदेशको राजधानी हेटौँडा भएर र हेटौँडा भएर जिल्लाका विभिन्न स्थान जोड्ने राजमार्ग र सडकहरु संचालनमा रहेको मकवानपुर प्रशासनले जनाएको छ । शुक्रबार मात्र मकवानपुर प्रशानसको नेतृत्व लिन हाजिर भएका मकवानपुरका प्रमुख जिल्ला अधिकारी सुर्य सेढाईले शनिबार बिहान ९ बजेसम्म मकवानपुर भएर संचलनमा रहेको राजमार्ग अवरुद्ध नरहेको प्रष्ट खबरलाई बताएका छन् । उनले कान्तिलोपथ आयोजनाको डिभिजन प्रमुखसँग कुरा गर्दै सडकखण्डमा सवारी चाप र पहिरोलाई मध्यनजर गरेर डोजरलाई तयारी अवस्थामा राख्न भनिएको बताए । 
प्रजिअ सेढाईले अन्य बाटोको तुलनामा कान्तिलोपथ बैकल्पिक मार्ग रहेकोले ललितपुर र मकवानपुरको ठिङ्गनमा डोजर तयारी अवस्थामा राख्न कान्तिलोपथको डिभिजन प्रमुलाई भनिएको बताए । अन्य सडकखण्डमा पनि स्थानीय तह र सडक कार्यालय सँग समन्वय गरेर डोजर र स्काभेटर राख्न अनुरोध गरिएको प्रजिअ सेढाईले भने । 
उनले पुर्व तयारी तथा प्रतिकार्य समिती मकवानपुरले बर्षाको समयमा हुनसक्ने जनधनको क्षति रोक्न र समयमा उद्धार तथा व्यवस्थापनका लागी र्यापिड रेस्पोन्स टिमलाई तयारी अवस्थामा राखेको बताए । प्रजिअ सेढाइले यस्तै पहिरोको कारण अबरुद्ध बन्न सक्ने भन्दै देशको राजधानिको लाइफ लाइनको रुपमा हरेको त्रिभुवन राजपथ,कान्तिलोक पथ र भिमफेदी, कुलेखानी, सिस्नेरी र फाखेलमा पहिरोबाट हुन सक्ने अबरोध हटाउन आवश्यक तयारी गरिएको बताए । त्यसैगरी मकवानपुरका एसपी बामदेव गौतमले मकवानपुरका सडक संजाल संचलनमै रहेको र पहिरो तथा विपदबाट हुन सक्ने क्षतीलाई मध्यनजर गरेर विभिन्नमा स्थानमा रहेका प्रहरी युनिटलाई चनाखो रहन निर्देशन दिइएको बताएका छन्।