परिषदले मनायो २४ औं अन्तराष्ट्रिय युवा दिवस

२८ साउन, हेटौंडा । बागमती प्रदेश युवा परिषद हेटौँडाले शनबािर २४ औं अन्तर्राष्ट्रिय युवा दिवस मनाएको छ । हरेक वर्ष अगष्ट १२ मा मनाइने उक्त दिवसको अवसरमा हेटौंडामा अन्तरक्रिया आयोजना गर्दै दिवस मनाएको हो । 
‘दिगो विकास लक्ष्य प्राप्तीमा युवाको साथ नबप्रवर्दन र उद्यमशिलतामा हरित सीप विकास’ भ्न्ने नाराका साथ मनाइएको कार्यक्रममा प्रदेश युवा परिषदका कार्यकारी उपाध्यक्ष सन्तोष चौलागाईँको सभाध्यक्ष तथा बागमती प्रदेश सभा सदस्य तथा पूर्वमन्त्री एका लाल श्रेष्ठको प्रमुख आतिथ्य रहेको थियो ।
कार्यक्रमका प्रमुख अतिथि श्रेष्ठले युवाहरुलाई स्वदेशमानै टिकाउने वातावरण सरकारले तयार गर्नुपर्ने बताएका थिए । उनले यसका लागी युवामैत्री कानुन निर्माणका लागी आफ्नो भूमिका सशक्त रहने दावी गरे । 
कार्यक्रममा नेकपा एमालेका केन्द्रीय सदस्य तथा बागमती प्रदेश सभाका सदस्य भारती पाठकले युवा परिषदले मात्रै युवा सम्बन्धि कार्यक्रम गर्ने भन्दा पनि तीन तहका सरकारनै लाग्नुपर्ने बताइन् । उनले युवा सम्वन्धि अन्तर्राष्ट्रिय मुद्दाहरुमाा सरकारले ध्यान दिन आवस्यकता रहेको औल्याइन् ।
यस्तै परिषद्का कार्यकारी उपाध्यक्ष सन्तोष चौलागाईंले युवाहरुले अब स्वदेशमानै सिप सिकेर आत्मनिर्भर बन्ने तर्फ लाग्नुपर्नेमा जोड दिए । उनले परिषदले युवाहरुलाई आत्मनिर्भ बनाउँन तालिम र सिपसँगै अवसर समेत प्रदान गर्दै आएको जानकारी दिए । उपाध्यक्ष चौलागाईँले युवाहरुले पनि आफ्नो उत्तरदायित्व र जिम्मेवारी बुझ्नुपर्ने समय आएको बताए । उनले युवाहरुले आप्mनो जिम्मेवारी बुझ्न नसके परिवर्तन र उपलब्धी सम्भव नहुने स्पष्ट पारे ।
वल्र्ड बैंकका कन्सलटेण्ड सन्दीप श्रेष्ठले कार्यपत्र प्रस्तुत गरेको कार्यक्रममा प्रदेश नीति तथा योजना आयोगका सचिब बलराम निरौला लगायतकाको उपस्थिति रहेको थियो ।