बागमती प्रदेशसभाको वर्षे अधिवेशनको अन्त्य

२३ असोज, हेटौंडा । बागमती प्रदेशको वर्षे अपधिवेशन मंगलबार राति १२ बजेबाट अन्त्य भएको छ । प्रदेशका प्रदेश प्रमुख यादवचन्द्र शर्माले मंगलबार रातिबाट लागू हुनेगरी वर्षे अधिवेशन अन्त्य गरेका हुन् । 
यसअघि मंगलबार दिउँसो बसेको बागमती प्रदेशको मन्त्रिपरिषदको बैठकले अधिवेशन अन्त्यको सिफारिस गरेको थियो । गत जेठ ९ गते पहिलोपटक आव्हान भएको बागमती प्रदेशको वर्षे अधिवेशनले प्रदेश सरकारको आर्थिक वर्ष २०८०÷०८१ को बजेट पास गर्नुका साथै केही विद्येयकहरु पारित गरेको छ । 
यसअवधिमा वर्षे अधिवेशनका ३८ वटा बैठकहरु संचालन भएका छन् । यस्तै वर्षे अधिवेशनमा संचालित बैठकहरुबाट अर्थ सम्बन्धी २ वटा विद्येयकसहित ४ वटा विद्येयकहरु पारित गरिएको छ । प्रदेशसभाको उक्त बैठकहरुमा आर्थिक विद्येयक २०८० र विनियोजन विद्येयक २०८० पारित गर्नुका साथै प्रदेश सरकारी कामकाजको भाषा सम्बन्धमा ब्यवस्था गर्न बनेको बिधेयक, २०८० र प्रदेश संचार माध्यम व्यवस्थापन ऐन २०७५ लाई संशोधन गर्न बनेको विधेयक पारित गरेको हो ।
यस वर्षे अधिवेशनमा ७ वटा विद्येयकहरु दर्ता भएका थिए । प्रदेश कृषि विकास सम्बन्धमा व्यवस्था गर्न बनेको विद्येयक, प्रदेश स्वास्थ्य सेवा ऐन २०५७ लाई संशोधन गर्न बनेको विद्येयक, विज्ञान, प्रविधि, नवप्रवर्तक तथा विकास कोष सञ्चालन सम्बन्धमा व्यवस्था गर्न बनेको विद्येयकहरु बिषयगत समितिहरुमा छलफलका क्रममा रहेका छन् । 
यस्तै संसद सचिवालयमा एक विवादीत विद्येयक भने विचाराधीन अवस्थामा रहेको छ । प्रदेश प्रमुख कार्यालयबाट पुनः विचारका लागि फिर्ता भएको विवादीत चिठ्ठा विद्येयक भने सचिवालयमा विचाराधीन अवस्थामा रहेको छ ।