कांग्रेस मकवानपुरको चियापान सम्पन्न

२९ असोज, हेटौँडा । नेपाली कांग्रेस बागमती प्रदेशका सभापति एवं प्रदेश सांसद इन्द्रबहादर बानियाँले नेपालीहरुको घरदैलोमा आइपुगेका विभिन्न चाँडपर्वले सबैलाई सत्मार्गमा लाग्न प्रेरणा मिलोस भन्ने शुभकामना व्यक्त गरेका छन् ।
नेपाली कांग्रेस मकवानपुरले बडादशै, तिहार, नेपाल सम्बत, छठ लगाएतका पर्वहरुको अवसरमा सोमबार आयोजना गरेको चियापान कार्यक्रममा बोल्दै नेता बानियाँले यस्तो बताएका हुन् ।
उनले दैवी शक्तिले आसुरी शक्तिमाथी विजय प्राप्त गरेको स्मरणमा मनाइने बिजयादशमीले हाल समाजमा देखिएका सामाजिक बिकृति अन्त्य गर्न प्रेरणा मिलोस भन्ने कामना गरे । उनले पछिल्लो समय लोकतान्त्रिक गणतन्त्रमाथी नै कालो बादल मडारिएको बताउँदै यो व्यवस्थाका हिमायती दलहरुलाई जनताका पक्षमा काम गर्ने प्रेरणा पनि मिलोस भन्ने कामना गरे ।
नेपाली कांग्रेस मकवानपुरका सभापति बुद्ध लामाको सभाध्यक्षतामा भएको कार्यक्रममा बागमती प्रदेशका सामाजिक विकास मन्त्री कुमारी मोक्तान, जिल्ला समन्वय समितिका प्रमुख ललितबहादुर घलान, पूर्व प्रमुख रघुनाथ खुलाल, एकीकृत समाजवादी मकवानपुरका अध्यक्ष विष्णु दाहाल, राष्ट्रिय  स्वतन्त्र पार्टी मकवानपुरका सभापति भरत पराजुली तथा नेपाली कांग्रेसका भातृ एवम सुभेच्छुक संस्थाका अध्यक्ष एवम प्रतिनिधि तथा नेता कार्यकर्ताहरुको उपस्थिति रहेको थियो ।